""يارايه ليش لوحدچ .. چا وينه شيال اللوا"'
معقوله عفتي كافلچ
وانتم گضيتوها سوه
وين الشـيلچ عالمتـن
ويجيـبلچ حته الهوه
يااهل المجالس واللطم
هاي انه راية نينوه
خل نشبع الليله بچي
عباس بالسابع هوه
" بعد المن نستراح .. الطم العباس طاح""
""يارايه ليش لوحدچ .. چا وينه شيال اللوا"'
راح اليفيي عالخدر
وتغطي زينب هيبته
هداني وانهد الدمع
والسهم چان ابجبهته
جروني من عنده غصب
مت عيني ايدي الهدته
منها واجيت لمجلسه
واليبچي اريدن فزعته
نتگابل الليله سوه
عباس طاحت رايته
""خل نطيح من الصياح .. الطم العباس طاح ""
""يارايه ليش لوحدچ .. چا وينه شيال الوا"'
تدرونه من لاحـه السهم
فص عينه گدامي انمرد
فوگ الخدر طاح الخدر
يم رايته اتحنه وگعد
الينطي العلگ شد العلگ
وصاني عالمجلس بعد
يااهل اللطم كثروا اللطم
ليش اللطم عدكم برد
هدوني وشوفوا طيحتي
طيحة كفيلي والعمـد
"'راح خدر سكينه راح .. الطم العباس طاح""
""يارايه ليش لوحدچ .. چا وينه شيال اللوا"'
انشد المجلس والزلم
ياهو الخواته يستحن
وعليهن ايخاف اشكثر
وابيته ابد ماصيحن
خل يسمع العنده خدر
خيات الحسين انولن
خدر الله من بيته طلع
ويه الزلم يتعـثرن
خل يسمع العنده اخت
نسوان هاشم تيهن
""والرؤوس اعله الرماح .. الطم العباس طاح "'
""يارايه ليش لوحدچ .. چا وينه شيال اللوا"'
وين اليحبون الگمر
من عنده غيرة اتعلموا
راح امشي اگله امجلسك
عباس مو كلهم بچو
وين اليسحگون الجمر
وبيوم سابع فزعو
فرحوني حتى اعله النهار
عباس اگله اتطينو
واهل العگل ذبو العگل
طاح العگال ودنگو
""هاشم امفرع وصاح ..الطم العباس طاح""
""يارايه ليش لوحدچ .. چا وينه شيال اللوا"'
من باچر ويبدي السبي
بين الخيم حيره تره
كسره اخو وبلا اخو
مكسور ظهره وخاطره
باچر يدفعون الحرم
من عگب سبع الگنطره
وشرايكم يهل اللطم
بالمجلس وندفع مره
" بعد المن نستراح .. الطم العباس طاح""
""يارايه ليش لوحدچ .. چا وينه شيال اللوا"'
كلمات الشاعر: محمود الموسوي
رد مع اقتباس
المشاركة الأصلية كتبت بواسطة الملاذ الاخير
