"" لعيونك مشتاگات عيوني
ياجرحي غير شكلي ولوني
من زغري ماگـاطع هيچي وياي
ارد اوصل ليك وماخلوني ""
بس لاحرمنا ذنبنا نجيك
ضلينه نحلم نوصل ليك
كبرت مخاوفنا والحياة
اشما تضكنا انسير عليك
هيچي الله ويسويها .. ووصل حضرتك
روحي بعد مابيها .. تريد ازيارتك
انطيني دمعه انطيني عـزاء
خليني اعيش اجوا كربلا
"" كربلا كربلا.. ياحسين ""
للمجلس عطشان لحنيتك
وتاخذني من چفوفي لتعزيتك
وبجفوني شايل هاگد دمعات
وجروحي يطيبن بـحسينيك
هيچي الله رايد عشگي وياك
انسه حضرتي وما انساك
هيه المصيبة بعشگ الروح
ياخذها ويرد بيها هواك
مختنگه روحي شبيها .. وتشتمك هوى
عبدك عليل ورايد .. من ايدك دوه
ماعنده غيرك وانته رضا
خليني اعيش اجوا كربلا
"" كربلا كربلا.. ياحسين ""
لجروحك منذورات اجروحي
ولآلامك يكثر وني ونوحي
وماتشفي مرات ادموع العين
كون الموت ياخذ يمك روحي
شلي بحياتي الكلها عذاب
انته الحقيقه وغيرك سراب
كله اعلمودي السويته بيك
خليته خالي حضن الرباب
المن يعيش الشوف ..الماشافك حضن
تمشي امجر الشوگ .. چن مشية ضعن
حتي ابجروحك بيها وفاء
انطيني دمعه انطيني عزاء
خليني اعيش اجوا كربلا
"" كربلا كربلا.. ياحسين ""
كلمات: ابولواء الحسيني
رد مع اقتباس