يحسيـن لاتنطيـني مگـفاك
يامن يطلـع الـ الله وياك
بـويه بـويه.. طاري السفر يهضمني
بـويه بـويه .. فـرگاكم ايعـذبي
متعمده اجيك ابدمعتي وآكل باصبعي وليك اصد
وين الله وكسرخاطرك وتغير النيه وترد
من امس بالكاروك اهز وتوسلت لله بعبد
يالماترد النه ابطلب ياربي ارحم لوني
لو موت لو ويه الضعن باچر هلي يركبوني
موتي موتي .. اروحلي من فرگاكم
موتي موتي .. ولاچلمه الله وياكم
يامن يطلع الـ الله وياك
____________________________
بويه وعلي وهيبه علي وغربه علي وداعة علي
مو للسهر مو للقهر مو للسفر بويه انته الي
ترضاها مبتليه ابمرض ونوب بجفاك انه ابتلي
بس گلي گومي وشوفني لوما طبت رجعني
بس گلي صعدي اويه الضعن مايبقه شي يوجعني
بويه بويه .. انه ادري بيك اتحبني
بويه بويه .. بوداعك اتعذبني
بتك وأجيت ابـدمعتي اوياك
يامن يطلع الـ الله وياك
____________________________
من امس خـانگني الهضم وملت چفوفي من الفرك
گلبك حنين وحابني ادري عزيزه وما اشك
انه ادري كلش غاليه بس موش غالي الينترك
يحسين عندي آخر طلب لو بالچذب صيحوني
چم ليله عيشوني ابفرح وبنص الدرب نزلوني
عيني عيني ماتكسر ابخاطركم
عيني عيني من امس تتوسلكم
يامن يطلع الـ الله وياك
____________________________
مدري شجاني البارحة ابحضنك لچـن ماغمضت
ابچي اعله صـدرك للصبح وبنحرك اشـگد حببت
يحسين گومني البچي وبصف رقيه اتمددت
گمت التراچيها اصد يابويه مدري اشبيهن
لا نايمه ولا حالمه وواحد يگلي إخذيهن
روحي روحي .. تاخذها لمن تبتعد
روحي روحي .. كل نفس تطلـع وترد
يامن يطلع الـ الله وياك
____________________________
من الصدگ ماينزعل بس گلبي جاساه الزعل
متأملة تـاخـذني الصبح بس هسه ماخليت أمل
ازغـيره واخـافن وحدي ووحشه البيوت ابلا أهل
يابويه هنه اچم نفس يگضن وتطلع روحي
تانيني اموت وعوفني خلصني من اجروحي
بويه بويه .. ادعيـلي امـوتن وافتك
بويه بويه .. اشبع هضم لو عفتك
عن عيني ليش ادير عيناك
يامن يطلع الـ الله وياك
____________________________
كلمات الشاعر : احمـد المشـرفاوي
تنزيلmp3
رد مع اقتباس