[ يـعباس ..يادخـيل عيـونك
يـعباس .. يادخـيل عيـونك ]
كافلْ كانَ بدرٌ وابتسمْ
وصفٌ عاجزٌ عنّهُ القلمْ
لولا رحمـةٌ من قَلبهِ
صارتْ كُلُ دُنيانا عدمْ
ولوما عـيون العبـاس
چا الله ماخـالق ناس .. بالعالم
بالدنيا كلشي موجود
مخلوق من ماي الجـود .. حتى آدم
الله من اچفوفه .. سوه كلشي انشوفه
قبــلة المشايه .. وبالزيـارة انطوفه
[ يـعباس ..يادخيل عيونك
يـعباس .. يادخيل عيونك ]
نهرٌ هاشميٌ علوي
مِنهُ كُل شيئٍ يرتوي
عينٌ لا يُضاهى لونّها
كانتْ للحُسينِ تنتمي
عباس شايلك عين
حلوة وصفن بيها حسين .. خيعونك
لو يوسف ابوكتك چان
يسجد اگــبالك خجلان .. لعيـونك
عينك اشمحلاها .. الله من سواها
جاب هيبة حيدر .. عالرمش خلاها
[ يـعباس ..يادخيل عيونك
يـعباس .. يادخيل عيونك ]
عالي واسمك محلي الگمر
غالي يا أمان لكل بشر
جودك من تبده ابكربله
غيم والله سواها مطر
ومن چفك الكرم صار
هنياله بيك الكرار .. ياهيبه
ياسهم حيدر راميه
وين الكلف طايح بيه .. واتجيبه
تنعبد تستاهل .. ياجنون العاقل
يالله شيل اچفوفك هوس اعله الكافل
"الگــاع ابيوم السابع.. شردت من عباس"
[ يـعباس ..يادخيل عيونك
يـعباس .. يادخيل عيونك ]
ليثٌ كانَ في سوح الوغى
حِجٌ كانَ في كربلا
يمحي كُلَ شيئٍ سيفهِ
لولا حكمةٌ فيها ارتضى
لو ماعيون الحسين
قامت الساعه ابچفين .. عباسنا
تيه ضحاها من الليل
شمر الخيل اعله الخيل .. نوماسنا
الجيش ويه القاده .. تيه المشراده
علي چان ايصيحله .. هلا بشيخ الساده
[ يـعباس ..يادخيل عيونك
يـعباس .. يادخيل عيونك ]
عينك من بعيد وتنعشگ
گلبك عاشگ حسين ويدگ
مثلك ماكو واحد بالوفه
ادخيلك خوتك خوة صدگ
عباس رخصت الماي
ياهوه مثلك وفاي .. لحـسينك
للنهر من ادنيت
چي لاح چفك ذبيت .. چفيـنك
انته بس حسينك .. چان تارس عينك
كون من انزورك .. نسجد الچفينك
[ يـعباس ..يادخيل عيونك
يـعباس .. يادخيل عيونك ]
للشـاعر: محمد الموسوي
تنزيلMp3
Z
رد مع اقتباس