[ صال بيها وطلعت العفيه ابن اخوي
من حلگ چفالها
الحومة ضلت ترجف من إبن الحسين من الصدر لذيالها ]
گام يتخير اخيار ابروسها
يلوي بيها وحدر جدمه ايدوسها
ومن دخل والحرب دق ناقوسها
الزلم ضل ينسمع طگ ابروسها
اتخير اشيوخ العشاير والثـگال
وراح چقه ادلالها
____________________________
شبچت وبكر ابن غانم بيها طب
سيفه نار وصار ابن غانم حطب
خيلاها وضب رسنها بچفه ضب
وصاح اريد احوي الزلم حوي الرطب
طبها مثل الطاب البستان ابو
ورجع مالي اسلالها
____________________________
صال وعيون الحسين اتراقبه
وگـام يتخير الـفـاتل شاربه
وين الانمر گاص راسه وجايبه
هب على السبعين ريح وهـابه
كفها والعباس صاح اعله ابن اخو
الجابتك هنيالها
____________________________
امه گلتله تنــگب من تهد
گمر چنك وانه اخافن تنحسد
يمه من تطلع وراك اشمر ورد
طلع يبرج سيف طالع من غمد
دخل للحومه ومثل هيل التراب
هيـچ كضها وهالها
____________________________
وعمته زينب تسمع ابطگ الحديد
حشمت عفية أبن اخوي العز يريد
هيه فرغه وماينام العنــده ويد
الحمل يرتاح اعله متن ابن العجيد
صاح خل تثگل وانه ابن ابوي
هالمتن شيالها
____________________________
اطشرت گدامه گام ولمها لم
بيـده والعباس عـاين وابتسم
گله عمي ارجعلي سيفك كله دم
صاح ماينحني المثلك عنده عم
العنده عــم مثلك تضل من الرجــال
ترجف من اخيــالها
____________________________
كلمات الشاعر: مصطفى حــرب
تنــزيل
mp3
zahraa.alobaidi
رد مع اقتباس