لا تصدكه
ولا تجذبه
الصار عنتر بالسوالف
خلها كلها
اكبال عينك,,
باجر اجيكه المواقف!
,
ايجوز تلكه ابن المضايف ,, بالشوارع بي خفايف!
وايجوز تلكه ابن الشوارع,,ماشي بأخلاق المضايف,,
هاي دنيا وكلشي بيها
وانه من صدمتها ,,شايف!
ايجوز بالخاف وتأمنه ,, اتمكن وخلاك ,,,خايف
القصر لمن ترسمه,,
ارسم اكباله الصرايف
حتى من ترجع الأصلك,,
تعتبر شايف وعايف!!
,
اتوقع ابكل شي ابحياتك,,
خلي صدماتك طرايف,
ايجوز بالضحكه توَزع ,,, دمعه مابين الطوايف
وايجوز بالدمعه تخضر,,ضحكه حلوه اعله الشفايف
حسين االساعدي