هنا

[ღ عِشق ღ]

يلمسافر . عمري مايسوى واطشنه وراك
يلمسافر . راح اطش اسماء أولادي ابگفاك
ولخاطر الدارك ترد .. مو ماي اثوبلك ولد
يلمسافر

عمري لو يسوه واگلك ياهوّاي
چان طشيته مثل طشت الماي
اسنين اطشرها يمحبوبي وراي
كلشي خل ايروح وانته كون جاي

يمحبــوبي افرش اعيوني واگللك تعال
يمحبــوبي سحگة اجدامك جواب لكل سؤال

لو رايده أخلد بالمجد
مو ماي اثوبلك ولد
يلمسافر
________________________

شنهي اولادي ابوجودك ياحسين
هيچي اريدنهم عليك امگطعين
اسيوف ورماح واريد اسهام عين
واعز واحد كون اشوفه ابلا إدين

يالوداعــك .. يخنگ الدنيا اليعيشها ضواك
يالوداعــك .. شالع اعيوني بچي ايدور وراك

لو ينقفل طاري البــُعد
مو ماي اثوبلك ولد
يلمسافر
________________________

تاكل ابگلبي اعله فرگاك الجراح
وانته ذيچ العافية البيها استراح
صحت بالدار ابرحيلك كلشي راح
واسمع تردلي الحياطين الصياح

يالبــدونك .. توگف الدنيا وبعد ماعندي راي
يالبــدونك .. يعبر الريتي لچن يخنگ هواي

هذا الجواب من ننشد
مو ماي اثوبلك ولد
يلمسافر
________________________

حلفيتك ياعشگ شيبي الثگيل
احچايه گلي ايجوز ارجع يالخليل
الما يشوف العاشگ ابعينه ذليل
والحياة ابدون عينك مستحيل

يالعيــونك .. عافية ومن نـظرتك كلشـي حلال
يالعيــونك .. ترس الضحكات بشفاف الدلال

ماافرش ابدربك ورد
مو ماي اثوبلك ولد
يلمسافر
________________________

احچايه اليمكن خذت من عندي كون
حاره ومره وتطيح اويه العيون
والله اذتني يمحبوبي الظنون
وتدري مايتحمل الگلب الحنون

لليتــاني .. الساعه اكثر من واحد غريب
لليتــاني .. ينكسر ظهر المشه وظهر الحبيب

وگتلك إذا جاسك برد
مو ماي اثوبلك ولد
يلمسافر
________________________

كلمات الشاعر : علي عباس الربيعاوي

تنــزيـل
mp3

[تشيللو]

شکرا وردةة

[أبن ألأشتر]

حفظك الله الاخت زهرة
وحرس الله رجلنا العظيم الملا مرتضى
وبارك بالشاعر
وادام الله بالصحة والامان الشباب الحاضرين تحت منبره
كانت قصيدة رائعة مع اداء بصوت ولحن
يسلب اللب .
هنيئا لنا بهذة الشخصية العظيمة
مرتضى حرب حفظه الله من كل مكروه
شكرا زهراء

[ღ عِشق ღ]

شکرا وردةة

عفواً ، نورت تشيللو

حفظك الله الاخت زهرة
وحرس الله رجلنا العظيم الملا مرتضى
وبارك بالشاعر
وادام الله بالصحة والامان الشباب الحاضرين تحت منبره
كانت قصيدة رائعة مع اداء بصوت ولحن
يسلب اللب .
هنيئا لنا بهذة الشخصية العظيمة
مرتضى حرب حفظه الله من كل مكروه
شكرا زهراء

حيـاك الله وسلمك اخي إبن الأشتر" ، شُـكراً لهـذا الحضور