هنا

[الملاذ الاخير]

اداء الرادود : محمد الجنامي
كلمات الشاعر الحسيني : وسام الشويلي
محرم الحرام 1443-2021


حل وكت الوداع وياج سامحينة
تعبج فلا ضاع وارباج يالحنينة
ولدج نبع ماي تعرفين طبعنة
من عندج هواي وفة وطيب رضعنه
يالحنينة .. يالحنينة

⊱━━━━⊰✾⊱━━━━⊰

يا امنة يا نبع الوفة والعاطفة والطيبة
وياج يحتار الحجي ياحكمته وترتيبة
ربتي كبرتي زلم .. منهم تخاف النيبة
لو صاير بحلك السبع .. ولدج الحك تجيبة
ما نطلب الزود مسراه وية دمنة
والرايد شهود يكفيه انتي امنة
بأسمج فخورين والف راس رفعنة
من عندج هواي وفك وطيب رضعنة
بالحنينة .. يالحنينة

⊱━━━━⊰✾⊱━━━━⊰

ولدج ييمة ونفتخر من ننحسب خدامج
شكد عالية جنة عدن لجنها تحت اجدامج
ترابج التسحكينة دوة .. الالامنة والامج
تندار بينة العافية .. من ننحني جدامج
فرض الصلاة مقبول لو قبلتي
يرضة لمراضيج الله شنهو انتي
كل كلمة قران سمعناج خشعنة
من عندج هواي وفة وطيب رضعنة
يالحنينة .. يالحنينة

⊱━━━━⊰✾⊱━━━━⊰

عدنة الج مو بس اسم وانصيح بكعدتنة
يمة الحنينة الغالية خيمتنة يا شمعتنة
الربت المايوم اشتكت والتعبتالراحتنة
الجاعت السوتنا زلم والسهرت النومتنة
شما نكبر زغار باقين وي حنينج
فدوة الج تندار وتروح كل بنيج
مثلج بالاوصاف حنينين طلعنة
من عندج هواي وفة وطيب رضعنة
يالحنينة .. يالحنينة

⊱━━━━⊰✾⊱━━━━⊰

جينة ييمة نودعج توديع مابي ملگة
الله يعينج وشكثر تهدم الحيل الفرگة
ندريبج بوكت المسة .. روحج تظل مختنگة
ودكات صايرة صايرة .. ونة فراگ وشهگة
بس يمة تدرين بحسين وبغلاته
وانتي التگولين تمشون وي خواته
نفدي اله الروح توصين سمعنة
من عندج هواي وفة وطيب رضعنة
يالحنينة .. يالحنينة

⊱━━━━⊰✾⊱━━━━⊰

عباس انة وعن اخوتي احجيلج وسمعيني
مو ابنج انة لو بعت كلمتي وخنت حسيني
تحتار زينب وانة اظل .. لا والله اگص جفيني
حتى اذا تاه السهم .. انة اجيبة لعيني
ابنج العباس موجود ماكو حيرة
من جدمي للراس كلي غيرة
اخواني وياي يگولون فزعنة
من عندج هواي وفة وطيب رضعنة
يالحنينة .. يالحنينة

⊱━━━━⊰✾⊱━━━━⊰

گولي انة عنكم راضية وانطينة اخر نظرة
وان شاء الله يم الوفة ترضة عليج الزهرة
عذرينة مانرجع الج .. ويرجع الناعي اليقرة
ويگلج اولادج وفوا .. ظلوا جثث ع الغبرة
يا ام البنين يحجون حادثتنة
ماعفنة الحسين للموت اربعتنة
ما وگع والله لحد ما وگعنة
من عندج هواي وفة وطيب رضعنة
يالحنينة .. يالحنينة

[صفاء العامري]

احسنت احمد

[نغم الجبوري]

جزاك الله خيرا
ب ميزان حسناتك نشاءلله

[ღ عِشق ღ]

سلمتْ