طالت غيبتك يمفـــــــــــارك العين
ظل يمــــــــــــي خيالك ليش عفته....شتحمل بعد ماعندي كلبين كلب واحد يتيم وانته اخذته
مـــــو منك عـــذاب اتحمل اسنين
وهلبت للجــــــرح بيديك رفتـــــه
جان الجرح واحد هسه جـــرحين
وتنشدني عالثانــــــــي منين جبته
مــو حشم عليك بنوحـــه صوبين
وتصم بيدك اذانك مــــــــاسمعته
يلي بعشرتك ماشفت كـــل زيــن
وشكبان الهجـــــــــر منك حملته
سمعان الجـــرح عاشرلـه سجين
وسجينك يظالـــــم ولك عاشرته
شقدملك بعـــــــــــد اكثر قرابين
من الاول جــان قرباني رفضته
مــــو قدمت كلبي وي الشرايين
رضيت من البدايه انته بعشرته
يلمضعن ولك مــــــاكتله لاوين
ولا بالجذب خــايب يوم ودعته
منين انته اجيت منين الي منين
بس حسره وعذاب وياك شفته
صرت اهذي ولك شبه المجاين
وعله زندي بوشم اسمك كتبته
كتبت اني عباره عل الحياطين
صدك هذا الغرام وهذي قصته
:::::::::::::::::::::::::::::::::
م.
رد مع اقتباس
المشاركة الأصلية كتبت بواسطة ؏ــچۚــېْۧــد ̨اڸــڭــﯣمۘ
