يا أول أسم بلساني اردد بيه
ويا اول عشك بصباي حبيته
ويا اول حلم عايش بنص العين
سكن بالروح وبنص الكلب بيته
بأيام البرد وشما يطول الليل
من حبك برد بالجفن غطيته
شلتك فوك راسي وصار حبك تاج
بيدك يالخنت بالكاع حطيته
وشلت حبك كحل بالعين يا بد ذات
ومثل الماي بالصينيه داريته
وحتى الدمع ما ينزل على الخدين
بس لجلك يسيل الدمع وصيته
واشعلتلك ضوه اعيوني بنص ظلام الليل
وانته بكل وكاحة عين طفيته
واسمك صار اسمي وانته بيدك سيف
بيه شما يجيسك غيض حديته
يالمايك خبط واتخلبص المغزول
وآنه اشكد تعبت اعليه وصفيته
الكلب حر بهواه وبيك ما مجبور
جتفته غصب واسلبت حريته
ياما هالكلب منك تلكه اسهام
مو أول سهم منك تلكيته
لفاني غبار منك ياحلم جذاب
تاكل بالجسم واسلبت عافيته
وتالي اطلعت طبعك مثل طبع الذيب
بس يجوع ياكل زند راعيته
ما ادري بغرامك شجرة الصفصاف
ما يحمل ثمر جذاب تاليته
كلي بيا ذنب يهجر وبيه تخون
اسألك يا ذنب وياك سويته
اليحب لازم يجرب والعشك غدار
الاحبه ليش ما جربت نفسيته
الما يعرك جبينه اولا خجل فد يوم
اذن هذا دليل الضعف شخصيته
صحيح اوما غلط راعي المثل لو كال
((((أشكال البشر كلمن وتربيته))))
رد مع اقتباس
