(موشح)
لو شفت عثگي انحنه ويمك وصل
لا تضن راسك عله ولحت النخل
ما عله ناصي يضل دوم الدغل
وانته يل عودك يكسره خلالها
ينعرف فحواك من هذا المثل
لو شفت تربان صعدت عالجبل
من تهب نسمات ابدن ما تضل
والارض تبگه تهيب اجبالها
اسود الافعال تحمل هالصفه
لو عله الدخان ما لونه صفه
والمطر للكاع لو شفته لفه
توهب الغيمه الارض احمالها
لوشفت حيدر ترك كرسي الحكم
لوشفت بالنار داره تنضرم
لا تضن معناها منصور الظلم
والسرج ملوي بفگد خيالها
يالتبع وبلا وعي ذاك الوثن
يالتبع ذاك العصر ام الحسن
ما شفت شمس الضحه عيونك عمن
تارك الحگ وتبع حيالها
لا تضن بالحيله تبگه مستره
ما تضل مظلومه شيعة حيدره
تنكشف عدة لحايه مزوره
تظهر الحملت ظلم بجمالها
تنكشف باجر وجوه ملثمه
لو ظهر شبلك علي حامي الحمه
يكشف الكسرو ضلع من فاطمه
يصلب الگيدت علي بحبالها
الشاعر ابو قاسم الملا
رد مع اقتباس