هنا

[المستشار القانوني]

قصيدة بحق عبد الله الرضيع
...........................
ماكغاهم نحرك الصابه السهم....
حته مهدك ماسلم...ارماد صار وي الخيم
ماكفاهم نحرك الصابه السهم
..............
ماكو مثلك شاف مأساة وضمه
ودمك الطاهر صعد يم السمه
الملائك حزنت ومتألمه
الدنيه لجلك غيمت..طيورهه الجنه بجت
يارضيع المثلك بعمره انظلم...ماكفاهم نحرك الصابه السهم
... ................
دمك القربان طاهر مانزل
عالارض ماطاح رغما عالدجل
لأن من دم حيدره خير العمل
شلون مله ظالمه..طفل يشكي من الضمه
ابد ماعدهم كرامه ولاقيم
ماكفاهم نحرك الصابه السهم..
..................
ذوله اعداء الطفوله اهل الحقد
من السقيفه اشرار ماضيهم يرد
ذبحو المحسن كبل لو تنشد
مله ابد ماتردع..صوبوا اشرف ظلع
حجر ذوله اكلوبهم اهل الصنم
ماكفاهم.نحرك الصابه السهم
............................
حته عرش الله المصيبتكم حزن
وابو اليمه الشاف انواع المحن
دمعه وي دمك يعبد الله انعجن
حسين ابن سيد البشر.. عله مصابك ماصبر
ولضماك اتلوع وشاف الالم
ماكفاهم نحرك الصابه السهم
..... .......
بلحساب هناك باجر والحشر
شتعتذر ملة اميه بياعذر
بلطفوف وحصل كل هذا الغدر
شلون مله حاقده...علغدر متعوده
طفل اهل البيت منهم ماسلم...
ماكفاهم نحرك الصابه السهم...
..................................
م.

[M̲u̲S̲h̲T̲a̲Q̲ツ]

احسنت النشر استاذنا

[المستشار القانوني]

احسنت النشر استاذنا

أحسن الله إليك... اخ مشتاق الغالي