لو تاخذ عيـوني لوتاخـذني ويـاك
شهگة نفس بيه تـدري مـوتي فرگاك
ضلتلي سباحة أمل .. يبـو اليـمه
ياساعه يگطعني الأجل .. يبـو اليـمه
صفنه تاخذني وارد هايمه بصـفناتي
اعثر ابظـلي گمت من كثر عثراتي
احسب اثار الجدم ماهي گد دمعاتي
گلبي وروحي الك ذني مو مالاتي
اشگد اگعد على درب اليمرون
اليمته اعله دربهم اشتل اعيون
اشثـگل طاري الغروب اعله اليتانون
متعلمه العمي من اشتمه انفاس
نجمه ابحضن گمرة من يحضني عباس
يشبه حضن عمي البـطل .. حِضن أمه
ياساعه يگطعني الأجل .. يبو اليمه
_____________________________
جرح وفراگك ملح لا تلح عالفرگه
ساعه اوج ساعه انطفي حرگه تشعل حرگه
وردة عمري وذوبلت ورگه عافت ورگه
امطشره ابدربك ورگ واليمر ايسحگه
اروح وياك صفنه ابطاري الريح
من تصفن عليه يمك اتطيح
ضعت والضايعه من الاهل شتصيح
فگد الأهل غُـربه مالمـتها ديره
شحال الذي تفگد وتـودع عَشيره
محلاته ياشـمل الأهـل .. شنو ايلمه
ياساعه يگطعني الأجل .. يبو اليمه
_____________________________
گلي شنهي ضلتي لو رحت من روحي
لچمه ذِكرك للجرح وانه كثرة اجروحي
اتبعت روحي واصرخت روحي الهم روحي
صدى مبحوح اسمعت ينعكس من نوحي
بعد گطعي الامل لو جن الغروب
وإذا جن الظلام اتنام الدروب
ايا دمعي اليسيل وهدل الثوب
اشلون ارجع الداري وانه شلي بيها
من كل كتر بيها صورة لأهلي تذكار
دمعي حفـر خدي ونزل .. عليّ دمه
ياساعه يگطعني الأجل .. يبو اليمه
_____________________________
اچوي روحي ابحسرتي من اجس اضلوعي
حالي من حال الشمع حـُرگتي من ادموعي
اعلگت كل شمعه لأخـو ودمعي طفه اشموعي
بالدمع يومي ابتده اشلون اگضي اسبوعي
اشم ريحة هلي حته من التراب
اصدگ بالهوى من يردم الباب
النظر وجهي دره امتانيه الغياب
صوت البگه بإذني خويه ويبنـي يحسين
نوبه الصدى العمتي نوبه لأُم البنين
انه دليلي اشگد حمل .. الف صدمه
ياساعه يگطعني الأجل .. يبو اليمه
_____________________________
ودعتهم وأيست وادفنت آمالي
وراح وياهم هلي الأولي والتالي
شنهو اسمع من خبر بالمنية اگبالي
كل حلم جايب علم راح ابوچ الغالي
صدر اللي چان ايحضنچ انداس
وراس الچان هيبه انذبح هالراس
وطاحن عالشريعه اچفوف عباس
الطم على اخواني وحدي وبس احاتيك
مدري اشـجره عليهن عماتي وخواتي
ضعن السبي وشگد ثگل .. علي همه
ياساعه يگطعني الأجل .. يبو اليمه
_____________________________
كلـمات الشـاعر : راضـي الفيـصلي
zahraa Alobaidi
رد مع اقتباس