(موشح)
لبست احكام الشرع اچفانها
والكتب ضيعت تره عنوانها
گالو عليك الخلگ مات وهلك
ما درينه الغاب يا وادي سلك
وانته يا من بيده دوران الفلك
لو ظهر نورك يخرس لسانها
شحت الچانت تناطر جيتك
شحت الهيئت نفسها النصرتك
مايضل ناصر اخاف بطلعتك
تلونت هالوادم بألوانها
سيدي مرت علينه شگد غصص
واحنه عن الضيم نرويلك قصص
صرنه مثل الي يغرد بالقفص
طاحت الشيعه بأسر سجانها
صرنه بين اعداك چن دمعة أمه
شمعه وسط الريح ما الها حمه
والمطر ينزل عليها من السمه
والشمع ذاب بأثر نيرانها
تحكمت بينه النسه وما مش فحل
تغوي صارت ناس وابليس انعزل
نوّخ الشيطان چن نوخ الجمل
صارت الناس بيمينه اعنانها
للفكد ضي النظر ما صح دوه
عالي روج اعداك والناطر هوه
أيس الغرگان من شم الهوه
أمتك ضيعت تره سفانها
عبدت الأمه بغيابك چم صنم
وبغياب الراعي لن تاه الغنم
لو اكلها الذيب ميفيد الندم
أمّن الذيب بفگد رعيانها
الشاعر ابو قاسم الملا
رد مع اقتباس
