انغنيت ابـحبك اهواي .. يالمفـهمني معناي
طبـرة راسي ودمـوعي عـلامة .. بيهن افتخر يوم القيامة
يچلمة مبدأ وراي .. انغنيت ابـحبك اهواي
يالمدللني ومعيشني مهيوب، ومسويلي واهس
حلاته يطيحلك جفني من الدمـوع، طيحة ثوب عابس
صلف وانسه المصيبه وحرگ الخيام، واضحك بالمجالس
كون الخاطر الخنصر المگطوع، مانلبس محابس
اجيلك كاشخ ابثوب .. وانته اتنام مسلوب
وياك امقصر ابگد تضحياتك .. ماناشغ مثل نشغة بناتك
وعطش مانشف الهاي .. يچلمة مبدأ وراي
__________________________
شحلاة السالفة البيها اسمك يعيش، يمعشوگي وحبيبي
ينسمة وجايه من ابرودة الماي، يالمبرد لهيبي
يشايل لذة افياي البساتين، تستاهل نحيبي
اشما اباوع الگبتك اصرخ ابصوت، يشمس الدنيا غيبي
يالذة دمعة العين .. لو طاحت على حسين
كون اتجـرح اجفون البواچي .. مثل اجروح جرات التـراچي .. يـعايش محنتي وياي .. يچلمة مبدأ وراي
__________________________
العز يترسني وارفع راسي ليفوگ، لو صاحولي خادم
وچم شدة التمرني وانخـه الحسين، واطلع منها سالم
هو الكلشي موسم وانا وياك، اعيش اربع مواسم
انا بيوم القيامة امزامط النار، بدموع المآتم
حُـبك تارس الروح .. وعشگي وياك مفضوح
يالكاتب قوانين الشهاده .. عشت حُبك عُمر قَبل الولاده
يتارس گاعي وسـمّـاي .. يچلمة مبدأ وراي
__________________________
ابدمعي اتوسلك وانا ادري يحسين، شـراي الخـواطر
انطيني التذكرة وخليني وياك، ابكل إحساس أسـافر
وعيشني المصبيبة وحـرگ الخيام، ووجع سحگ الحوافر
واريد أيام عمري اتصير يـحسين، كلهن يوم عاشر
ماريدن لطم يوم .. وعيـشني الطبگ دوم
رايد أوصل العمق المصيبه .. وتـگول الوادم انجن ابحبيبه
الك ناذرها دنيــاي .. يچلمة مبدأ وراي
__________________________
ياشيـخي وتچـوتي وصاحب الروح، وياصحوة ضـميري
يـالمعلمني اهز عرش السـلاطين، من اگول حسين امـيري
محبتك سولتي وعاشگتك الروح، وصفى بكيفك مصيري
ادورلي اعله كلمة بيها اناديك، ماگايلها غـيري
حـاير شنهي اناديك .. وبـيا كلمة اسميك
شگلك وانته معشوگي وحنيني .. وبحبك ترس متروسة عيني
ابمحبتك رافع .. يچلمة مبدأ وراي
__________________________
حضوري ابمجلسك ودموع العيـون، اشكثر سوتلي قيمه
ربيـع الروح أحـس ايام عاشور، وباقي الدنيه هيمه
الما تحترگ روحه ابذيچ الضعون، ماكو ابـراسه شـيمه
ابوجه كل راعي غيرة ابمجلس حسين، مرسومة الهضيمه
لــهضم زينب والعيــال .. كون انچفي الدلال
وكون ابيوم عاشر شايب وشـاب .. متـهدل اهـدال ودايره انگاب
وكون انزاعل المـاي .. يچلمة مبدأ وراي
__________________________
كلمات الشاعر: مصطفى حرب
تنزيلmp3
رد مع اقتباس
المشاركة الأصلية كتبت بواسطة نغم الجبوري
