النتائج 1 إلى 3 من 3
الموضوع:

كلمات قصيدة شيخة عشيرة (مكتوبة) باسم الكربلائي | الشاعر احمد الذهبي محـرم 1443

الزوار من محركات البحث: 59 المشاهدات : 591 الردود: 2
جميع روابطنا، مشاركاتنا، صورنا متاحة للزوار دون الحاجة إلى التسجيل ، الابلاغ عن انتهاك - Report a violation
  1. #1
    مراقبة صوتيات درر العراق mp3
    الـجـنـوبـيـة
    تاريخ التسجيل: June-2017
    الدولة: IRAQ`
    الجنس: أنثى
    المشاركات: 16,338 المواضيع: 2,111
    صوتيات: 5415 سوالف عراقية: 2
    التقييم: 24603
    مزاجي: fickle
    المهنة: teacher
    آخر نشاط: منذ يوم مضى
    مقالات المدونة: 2

    كلمات قصيدة شيخة عشيرة (مكتوبة) باسم الكربلائي | الشاعر احمد الذهبي محـرم 1443



    شيـخة عشـيرة .. كـرمها مغـطي عيـني
    هيبـة أمـيرة .. فـضلها ابـگد سـنـيني
    باقة شُــكر . من علـي الـبوة علـي
    سـيف ودرع . بالحــرب صـارت إلـي

    اسولف قصة الشيخة، كريمة المانكر واحد فضلها
    بعد ماداهمـوا داري، وابوفـلان ابحقد ناره شــعلها
    وحق العايشة بروحي، القـبل ماتـولده إستشهد طـفلها
    دفنت الزهره والعشرة، گـلت وين الگه بالعالم مثـلها

    زينب يتيمة وحـزنها اشسوه بيه
    صاحت يـبوي بعدها اشيـبقه ليه

    راح الحزن والفرح طب منزلي
    سيف ودرع بالحرب صارت إلي
    ___________________________

    عثرت مسحته ابابي، عظيمة وتعرف الزهره اشـعظمها
    تشوف افراشها الخالي، تصد البابها وتشعر بألمها
    حنينه ابگد وفه البيها، بچت گد مابچت زينب على امها
    واسمها اتنازلت عنه، عجيبه ويا مره اتضحي بإسمها

    طِيبة وترافة كأنها من الله جَـنه
    رادت تضحي بإسمـها قُـربة إلنـه

    گـول وفِـعل تستـحق زَوجة ولـّي
    سيف ودرع بالحرب صارت إلي
    ___________________________

    تسـمّي سيدي الغالي، الحسين ودومها اتقدمه اعله ابنها
    تعرفه المالك الشرعي، اشتراها الجنة والمنـحر ثمنها
    وانـه ادري اشگالت الـزينب، ابتسمت ساعة الهمست بـإذنها
    نطتها ابـشارة بالقادم، گُـمرها الفارس الكافل ضعنها

    عندي هدية شلتها الباقي عمرچ
    فارس مُقاتل نذرته يحمي خدرچ

    هـذا الگُـمر بس إلـچ وتـدللي
    سيف ودرع بالحرب صارت إلي
    ___________________________

    اسمعتها اتـگلها بعد امچ، دعيتي والله مارجع دعوتچ
    تراني الخاطر اعـيونج، أجيب اربع ولد كلهم فدوتچ
    وإذا مسـموحلي اتـرجل، واجيچ اوياهم ابساعة نـخوتچ
    يبعد اليخفگ ابصدري، فداچ انا وهلي واربع اخوتچ

    تدري بأواخر عُمرها اتضل غريبه
    بعيده عليها وعليها اشگد قريبه

    انـطي اربعة ولو يصـح انـطي هـَلّي
    سيف ودرع بالحرب صارت إلي
    ___________________________

    تجـي لحـسين متقصـده، تخلي ابحـضنه ابوفـاضل تنـومه
    تريد اتـگله من يـوگع، تجي وبحـضنك اتشيله وتشمّـه
    ولكن من يذبـحونك، منهو اللي يـجي ايـحضنك يـيمه
    والاصعب والاشد زينب، تشوف اليرفس اصوابك يلچمه

    وينك تنادي بـچـتني اعـيوني دمـعـه
    طولك يغـالي على امك ماله رجـعـه

    فـاض الدمع والحـزن ماينجلي
    سيف ودرع بالحرب صارت إلي
    ___________________________

    فعلها امبين من الطـف، لبنها امغزر الجابت غياره
    لوما رادتها الباري، مناية اولادها ابحكمة قراره
    چان المعركة اندارت، رجال وخـيل جابوهم يساره
    حنينه وغذت الخوه، ولدها الاربعة الثبـتوا جداره

    راعي الكفاله ابسـمّـها شفته كوكب
    روس الخـيانه عليهن سـيفه يلعب

    فوگ السمه ابـكربله ضل يعتلي
    سيف ودرع بالحرب صارت إلي
    ___________________________

    نادت من شمر ثنه، اعله صدر حسـينها گلبي لچمني
    صـاحت ياريتني امـّيه، گبل لا ينـذبح ضامي شربني
    بعيده وكربله ابروحي، احس اخيولهم داست على إبـني
    خفت من رفة اعيوني، رجيـف اضلوعي والمشهد رعبني

    خوفي يروحي گمرنا ابـلا سـلامه
    زينب وحـيده وبنات إبـني يتـامه

    بيـمـن بعــد تنتــخي من تنـولي
    سيف ودرع بالحرب صارت إلي
    ___________________________

    كلمـات الشـاعر-: أحمـد ااذهبـي

























  2. #2
    من المشرفين القدامى
    eng-power
    تاريخ التسجيل: July-2013
    الدولة: iraq
    الجنس: ذكر
    المشاركات: 39,078 المواضيع: 2,891
    صوتيات: 2 سوالف عراقية: 0
    التقييم: 33573
    مزاجي: عصبي
    أكلتي المفضلة: fish
    مقالات المدونة: 2
    شکرا وردة..بوركتي

  3. #3
    مراقبة صوتيات درر العراق mp3
    الـجـنـوبـيـة
    اقتباس المشاركة الأصلية كتبت بواسطة تشيللو مشاهدة المشاركة
    شکرا وردة..بوركتي
    شكراُ لحضورك.. تشـيللو

تم تطوير موقع درر العراق بواسطة Samer

قوانين المنتديات العامة

Google+

متصفح Chrome هو الأفضل لتصفح الانترنت في الجوال