عظم الله اجوركم بمصاب ابي عبد الله الحسين عليه السلام
...................................
حسين للاسلام رايه..اسمه يم العرش ايه
بقل هو الله احد ..ذكره باقي للابد
اسمه يم العرش ايه
.................................
احسين صح عطشان بلطف...الصبر غايته بهاي
لو رفع للسمه عينه الكون كله يفيض ماي
احسين ضحه الدينه كلشي..لاتروح بغير راي
بنهضته اصلاح امه..يدري يتعذب اهواي
الباري راسمله طريقه...أمن بهاي الحقيقه
من انولد مرسوم دربه..بكربله مرقده كعبه
هذا واضح بلبدايه.. اسمه يم العرش ايه
..... .............................
حسين من عاف المدينه غايته طف كربله
كال يوم الفتح هذا واضحه هلمسأله
يدري رايدته المنيه وتنسبي هالعايله
هاجر الحفظ الرساله تعرضت للمايله
واجبه وتكليف اصبح ...لازم لهل الناس ينصح
هجرته بيهه اله غايه..اسمه يم العرش ايه
................................
عرف هاي الناس كثره الخالفت نهج الرساله
انباعت هوايه الضماير لاحقوق ولا عداله
ابن حيدر ابو اليمه تضحيه وغيره وبساله
ونهصته تاريخ تبقه ماكو بلدنيه بمثاله
ثار برض الغاضريه...لازم يصد ال اميه
وعارف احسين النهايه...اسمه يم العرش ايه
...............................
انصاره سبعين ابو اليمه وال اميه بالالوف
يدري هذا الجيش كله المجتمع برض الطفوف
علطمع والباطل اصبح يبقه اعمه ومايشوف
بس ابو السجاد ايه وعلم عنده بلحتوف
ابد مايقبل الذله..الموت لجل الدين يحله
ويعلم اعياله سبايه...اسمه يم العرش ايه
................................
جان بالاسلام ثلمه وانحرف منهج الدين
احسين ميزان الامامه حسين منهاج اليقين
يبقه اسم احسين نعمه ورحمتا للعالمين
بكربله من سال دمه العرش نادى ياحسين
احسين للامه شفاعه...امن بهاي القناعه
حسين ابن عقد الولايه..اسمه يم العرش ايه
..................................
بقلم الدغاري ونسألكم الدعاء
رد مع اقتباس