السلام عليكم
احبائي الى حد هذه المشاركة تنتهي جلسة الأخ سباي مان ونحن بأنتظار اجوبته حول اسئلة الأعضاء وبعدها نغلق الموضوع وله الحرية في الأجابات والوقت المناسب للأجابة لكن فترة الأسئلة انتهت واليوم سوف نستضيف عضو جديد ليكون تحت المجهر
كل الود والتحية لكم اخوتي
دمتم بحفظ الباري
سبايمان نتمنى لك السعادة الدائمة والحياة الرغيدة
مشكور سيد علي على هذا البرنامج المميز
تحياتي
المشاركة الأصلية كتبت بواسطة وحده من الناس
اهلا سباي مان
منور المجهر
اول شي شلونك؟ انشالله زين
اهلا وسهلا واسف جداً على التأخير
يله نبدي..
يله
1_ هل انت تفعل ما تقوله هنا بالمنتدى ؟
اكيد
2_ اعتذار تريد ان تقدمه لمن؟
الى طالبة وياي
3_ ما ردة فعلك عندما يقول لك من تحبه انه لا يحبك؟
الله يسهل اله , ما اكدر افرض نفسي عليه
4_ ماذا ستكتب لنا لتعبر عن حياتك التي عشتها الى الان في كلمات قليله ؟
طفولة هادئة ما اتعاركت وي واحد فد يوم , يمكن مرة وحدة , ولحد الان , قليل الاختلاط مع الناس واصدقائي من الجامعة فقط , مو مسائلة تكبر او شيء , لكن بس همة التقي وياهم
5_ اذا اردت ان تبكي الان , فعلى من تبكي؟
والدتي
6_ من ستختار ليمسح دموعك ؟
اختي
7_لو خيروك بين حبيبك وبين اعز صديق فمن تختار ؟
بصراحة ما ادري
8_ماهو تقييمك لهذا المنتدى بصراحه ؟
والله حلو , لانه مبني على الصداقة والاحترام ,
9_ من يسكن قلبك؟
ماكو واحد
10_ هل تعتقد ان حظك سيئ؟
لا ,
11_ هل تدخل الشات ؟ولماذا؟
ابداً ما ادخل .. والسبب , ما احب اسولف
12_ هل هزمك حزنك في يوما من الايام؟
اكيد , ماكو انسان ما يهزمه الحزن
13_ ((مستحيل انساك)) لمن تقولها ؟
زينب
14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا تقصد بها ؟
كان طموحي ان ادخل علوم حاسبات , لكن مالنا بالطيب نصيب
15_ (( انت كل شيء بحياتي )) لمن تقولها ؟
اختي واهلي
16_ متى اخر مره بكيت؟
تقريباً قبل 5 سنوات بوفاة والدتي
17_ اي الدول تتمنى ان تزورها ؟
النرويج والنمسا
18_هل انت راضي عن نفسك ؟
الحمد لله
19_بماذا تقر وتعترف أمامنا الان ؟
اعترف مشتاق الكم اثناء غيابي البسيط
20_ اغمض عينيك دقيقه لو سمحت, ماذا خطر على بالك وانت مغمض العينين ؟
ما خطر في بالي شيء
21_هل تؤيد الزواج العاطفي ام الزواج التقليدي ؟ ولماذا ؟
طبعاً العاطفي المدروس , اما التقليدي انا ضده وغالباً يكون مو صحيح , لسبب بسيط , وهو : ان الزوجين مجبرين على هذا الشيء , يعني بنية ما اعرف عنها اي شيء ولا اعرفها شتفكر وشنو تحب وشنو تكرها شلون اتزوجها
22_ايهما اهم شهادتك الجامعيه أم الزواج ممن تحب ؟
خلي نكون صريحين , الشاب الي ما عنده شهادة شلون يفكر بالزواج ؟؟
بالنسبة الي الشهادة الجامعية مهمة جداً , لان الزواج مسؤولية مهمة ولازم يكون الشاب متهيء مادياً علمود لا يظلم بنت الناس ويتعبها
23_ هل من الممكن ان تتحول الصداقه الى حب ؟
اكيد ممكن
24_هل تعترف بشيء اسمه الصداقه بين الرجل والمرأة ؟
اذا بين الاهل ممكن , عن نفسي اختي اقرب صديق الي , واسولف الها وهي هم تسولف الي , اما بين الغربة فما اتوقع هذا الشيء يصير
25_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
لا بالله عمري ما مضوج واحد
26_هل انت مدمن تفكير؟
لا
27_ من هو اكثر شخص تفكر فيه؟
ماكو شخص محدد
28_ اذا تم تعيينك ملكا لجميع البلاد العربيه فما اول قرار ستتخذه ؟
انعاش الاقتصاد لانه اهم فقرة بالدول
29_هل تكره شخص بشده في حياتك ؟
لا
30_ ما هو اقتراحك الذي تتمنى ان يحدث في هذا المنتدى ولم يحدث الى الان ؟
هاك , العضو المميز , المشرف المميز , المراقب المميز
31_هل ملابس الشخص امامك تؤثر فيك لتأخذ عنه انطباع ؟؟
طبعاً , المظاهر تخدع
32_ماالذي يلفت انتباهك بسرعه في الشخص لكي تعجب به ؟
الصراحة بالبنية الاصابع والعيون
33_ اذا احببت شخصا في الوقت الخطأ وفي المكان الخطأ فماذا تفعل ؟؟
احاول ان اتركه والله يوفقه
34_ حكمة تؤمن بها جدا؟؟
مو حكمة : مقولة تعجبني ( الدين افيون الشعوب )
35_ عاده تفعلها دائما تتمنى ان تتركها ؟
ما ادري
36_ ماهو اجمل اسم لولد واجمل اسم لبنت من وجهة نظرك؟
ولد : محمد , بنت : زينب , زينة
37_ ماذا تفعل اول شيء اذا ربحت ملايينا او مليونا حتى مانكون طماعين؟
ماكو في بالي شيء معين
38_ هل انت من لديهم رغبة حب التملك واذا تملك الشيء اصابه الملل منه ؟
انا من النوع ما امل بسرعة
39 _ مارأيك في صاحب الموضوع بصراحه ؟
والله عضو رائعة ومميزة , ومواضيعها جميلة جداً ومتعوب عليها بالاختار
40_ما رأيك بالاسئلة؟
رائعة وجميلة
تحياتي الك
اهلا وسهلا منورتنا وشكرا على الاسئلة
يمكن خلصت الاسألة
هلو سباي مان راح افكر بلكي الكا سؤال عبروا الجماعة اللي قبلي
هلا ومرحبا علاوي الغالي
طبع الاسألة بعد ممخلصة بس راح استراح واجيك شراح يخلصك مني
تحياتي يا ورد
اهلا وسهلا بيك اخوي العزيز منورنا وشكرا على الاسئلة الرائعة
السلام عليكم :
وينك اشو مدا تجاوب ...(خاف فلتت ؟)...
اول شي خل اكولك انه انت رغم غموضك انسان واضحه طيبته وحسن اخلاقه ...و محبوب ..والله يديم عليك هالصفات الحلوة ...
ثانيا ...قريت اجابتك (
بالسادس علمي بالامتحانات النهائية , اجلت الانكليزي والاحيا للدور الثاني , غلطت بالجدول من صار امتحان الانكليزي اجيت دارس احياء وهاي الغلطة دفعت ثمنها غالي ولحد الان ادفع ثمنها, اكبر غلطة بحياتي )...اول شي انصدمت (عبالك اني صارت بي مو انت )..وحسيت شنو ممكن الواحد يكون شعوره...هي تبدو كارثة مو؟...ويمكن اصلا محد مسويها غيرك ...بس منو يكول ما بيها خير الك ؟...انت اكيد كنت مفكر بمعدل عالي وتروح كلية (الظاهر وحدة من جماعة الهندسة ابالك ...لأن اللي مأجل احياء ما يروح طبيات )...بس صدكني مرات اكو اشياء نختارها ونندم عليها بكد ما انت هسة ندمان على شي يمكن صار غصبا عنك وبسهو ...
هسة بعد كل هالحجي : ارجعلي بذاكرتك لذيك الفترة وسولفلي :
انت ليش اجلت هالدرسين اصلا؟
شنو اللي كنت مخطط اله ؟...يا كلية ؟
وشنو اللي صار بيوم اللي رحت تمتحن وطلعت دارس غلط ؟ تتذكر تفاصيل ذاك اليوم ؟...واتمنى ما ضوجتك .
انت تكول تكره اختصاصك ...ولعلمك هو فد اختصاص عالمي ..رائع ...كل الناس تحتاجه في اعماله واصحابه محد يكدر يستغني عنهم ...حتى من تسافر ان شالله رح تكتشف هالشي ...
شكرا مقدما على الاجابة
اهلا وسهلا فاير وشكراً جزيلا على الكلمات الرائعة
انا من اجلت الاحياء والانكليزي علمود كلية العلوم , قسم الحاسبات , لان اختصاصهم برمجة وهذا الشيء الي احبه , فعلا انا معاج بان قسم المحاسبة مطلوب , لكن الدراسة مالتنا كلش اتضوج , يعني الادارة والاقتصاد بصورة بسيطة : انتي محاسبة بشركة وهاي الشركة تبيع وتشتري ,نقداً او بالاجل وعده مدينون ودائنون واوراق قبض واوراق دفع وهوااي سوالف , لا هي كلية علمية مثلا العلوم والهندسة ولا هي ادبية مثلا الاداب يعني دراسة تضوج بشكل
-----------------------------------------
يعني من عرفت انا غلطان بالجدول , والله حسيت بأن تعبي راح , يعني صدمة ما صايرة
منورتنا فاير بالاسئلة الجميلة الرائعة
ليس لدى سوى بضع اسئلة
وان كان الاصح هو استفسار
**************
لماذا اشعر دائما بالكأبة والحزن تغلف حواراتك؟؟!
حتى طلتك يحتويها بعض الشجن؟؟!!
ولماذا تحتويك وتجتاحك حساسية شديدة
من امور قد تكون اقرب من الطبيعية والمعتاده؟؟
ولماذا اشعر بنهم داخلك لترك العراق؟؟
هل تريد ان تتعلم وتدرس بشكل موسع؟؟
ام مللل وكره وسخط على الوضع الراهن؟؟؟
لك كل الود والاحترام لانك شخصية جديرة بالاحترام
ارجو ان تكونى اسئلتى خفيفة
ليس لدى سوى بضع اسئلة
وان كان الاصح هو استفسار
**************
لماذا اشعر دائما بالكأبة والحزن تغلف حواراتك؟؟!
حتى طلتك يحتويها بعض الشجن؟؟!!
انا بطبعي اضوج بسرعة و دائماً في بالي انسانة ربتني وتعبت علية وعلمتني احسن تعليم على الرغم من حالتها الصحية السيئة جداً , وكانت انسانة طيبة الى اخر يوم بحياتها تخاف عليه وتفكر بمستقبلي
ما اتصور اكو انسان يكدر ينسى امه
ولماذا تحتويك وتجتاحك حساسية شديدة من امور قد تكون اقرب من الطبيعية والمعتاده؟؟
لا , انا اشوف ان الانسان لازم يفكر شوي حتى لو فكر بالدين , لان كل شيء قابل للتعديل والتفكير
ولماذا اشعر بنهم داخلك لترك العراق؟؟
مو العراق فقط , الوطن العربي بصورة عامة , لان مجتمعنا العربي , ما يصير اله حل ,
هل تريد ان تتعلم وتدرس بشكل موسع؟؟
اي طبعاً ,
ام مللل وكره وسخط على الوضع الراهن؟؟؟
وايضاً كره للوضع الراهن , وهذا الوضع ما اشوفه ينحل ,
لك كل الود والاحترام لانك شخصية جديرة بالاحترام
ارجو ان تكونى اسئلتى خفيفة
تسلمين زهرة مصر على الاسئلة والكلمات الحلوة
منورتنا
شكرآ الك عالحضور مرة اخرى سباي مان
تــــــحـــياتي الك
