هنا

[علي سالم]

السلام عليكم

بكل سرور وطيب ورياحين وزهور استقبلكم اخوتي المتفاعلين وقارئي موضوع صديق تحت المجهر
ها نحن نعود بعد انقطاع دام اشهر لأسباب دعت الى ذلك ..وها نحن اليوم نفتتح الجلسات من جديد ونتعرف على اصدقاء قاموا بخدمات جليلة للمنتدى واثبتوا وجودهم في هذا المجتمع الألكتروني الثقافي المتميز
اليوم نستضيف الأخ الغالي والعزيزعلينا صاحب الكلمة الجميلة والوجود spyman,
واتمنى من الجميع التفاعل والمشاركة وللأعضاء الجديدين قراءة قوانين القسم الخاصة بالمشاركة
شكري الجزيل لكم واتمنى لكم الموفقية والنجاح

اخوكم علي سالم

[Sally]

نبدا بالترحيب الحار بالأخ والصديق العزيز spyman .. اهلا وسهلا بك اتمنى لك طيب الاقامة والاستمتاع تحت المجهر مع الاصدقاء الاعزاء..لي عودة ااخرى ان شاء الله تعالى.. كل الود لكَ منيِ

[Gardenia]

اهلا وسهلا سباي
اتمنالك اقامة ممتعه ومريحة تحت المجهر

[spyman]

شكرا للاخ علي سالم على الاختيار

وشكرا سالي على الترحيب

هلا بيج كاردينيا منورة

وان شاء الله اكون عند حسن الظن

[Hazim]

اهلا وسهلا بيك داخل المجهر ^_^
امممممممم
شنو اسمك الحقيقي

اكثر شيء تحبه من ناحيه الحياه

اقرب صديق الك بدرر العراق

شنو هوايتك

اكثر شيء تحب تسويه وانته كاعد على الانترنت

اجمل مرحله مريت بيها بحياتك

اذكرنه فد موقف مضحك صار وياك




احس بيك غامض ليش تحب الغموض ؟؟

وين ساكن ( بصف بيتنه هع هع )

بعد اخذلي فره على المنتديات وارجعلك

[spyman]

اهلا وسهلا بيك داخل المجهر
^_^

امممممممم



هههههه منورنا حازم



شنو اسمك الحقيقي



علي

اكثر شيء تحبه من ناحيه الحياه

احب الامل لان الانسان بدونه ما يكدر
يعيش

اقرب صديق الك بدرر العراق

كلكم اخوني واصدقائي لكن سوزان العقابي وياي من زمان , وكذلك ايفان

شنو هوايتك

البرمجة والتصميم المتقدم

اكثر شيء تحب تسويه وانته كاعد على الانترنت

ادخل على ويكيبيديا لانها موقع رائع جداً

اجمل مرحله مريت بيها بحياتك

المرحلة الاولى بالكلية كلش حلوة ما انساها

اذكرنه فد موقف مضحك صار وياك

موقف مضحك ما اذكر والله

احس بيك غامض ليش تحب الغموض ؟؟

انا هم ما ادري ليش , بس انا احب هاي الصفة

وين ساكن ( بصف بيتنه هع هع )

البصرة حي الجامعة , قرب مستشفى الطفل

بعد اخذلي فره على المنتديات وارجعلك

اهلا وسهلا بيك حازم تنورنا بأي وقت

[ملك الطيب]

شباب تحياتي

اخي العزيز شنو اكثر شي تكره بالدنيه

وشنو اكثر شي تحبه
هل انته مقتنع من نفسك

شنو الشي لي سويه وكان الشي غلط بس ما ندمان عليه
وشنو الشي الي انته ندمان عليه

اي الاشخاص تفضلهم وايهم لا تفضلهم

هل تعتقد بانك قمت بشيء يستحق الثناء

واسف اخوي العزير عله اسئلتي المحلوه ...بس اعذرني اكو واحد احرجني بيه واني اريد احرجك ههههههههههه
وشكرا

[Sally]

عُدنـــا

باسم الله نبدأ

اهلا بـكَ سبايمان منور المجهر.. شلونك مرتاح خو مو ضايج وحدك! يلة لتضوج احنة يمك خخخ

• حسب معلوماتي انت تدرس.. شنو تدرس حاليــا؟ وما هو طموحك في الدراسة؟
• هل تعمل بالاضافة للدراسة؟ واذا كانت الاجابة نعم.. ماذا تعمل؟
• ما هي سلبياتك؟ وما هي ايجابيتك؟
• اين ترى جمال الحياة؟
• هل تقرأ الصحف وتتابع الاخبار السياسية
• هل تحب القهوة؟
• هل انت من النوع الذي يشعر بالرضا؟ يعني((قنوع)).
• ما هي سلبيات سالي؟

اعتذر عن اسئلتي سلفاً ان كانت محرجة او مزعجة .. اتمنى لك طيب الاقامة والمكوث هذا الاسبوع.. لكَ من الورد اناه واعطره ومن التحايا ازكاها واصدقها.
سالي

[زهرة مصر]

او وااااااااااااااااااو سباى مان هنا اوبااااااااا
هم مسكوكى ياقطه هههههههه

لا دا الاسئلة هتكون هوااااااااااى
بس افكر وارجعلك...يعنى لى عوووووده

[spyman]

شباب تحياتي

اخي العزيز شنو اكثر شي تكره بالدنيه

النفاق

وشنو اكثر شي تحبه

الامل

هل انته مقتنع من نفسك

الحمد لله

شنو الشي لي سويه وكان الشي غلط بس ما ندمان عليه

بما انه خطأ انا ندمان عليه ,

وشنو الشي الي انته ندمان عليه

بالسادس علمي بالامتحانات النهائية , اجلت الانكليزي والاحيا للدور الثاني , غلطت بالجدول من صار امتحان الانكليزي اجيت دارس احياء وهاي الغلطة دفعت ثمنها غالي ولحد الان ادفع ثمنها, اكبر غلطة بحياتي

اي الاشخاص تفضلهم وايهم لا تفضلهم

طبعاً احب الناس الصادقين معي ,

هل تعتقد بانك قمت بشيء يستحق الثناء ...

ان شاء الله

واسف اخوي العزيز عله اسئلتي المحلوه ...بس اعذرني اكو واحد احرجني بيه واني اريد احرجك ههههههههههه
وشكرا

بالعكس اخوي العزيز اسئلتج جميلة جداً

منورنا بهاي الطلة الحلوة