"صاحت الأملاك ، ياهلا ابملگاك
ضعن الحسين ، ياهلا ابملگاك
"

نـزلت الأملاك تتباهـه ابطلوعك بـالعـلم
هذا جـبرائيل إجالك راح ينـصبلك خـيم

إجيـنه الخـدمتك هله ويامـية هله
دخيلك رحـالك مُطر طاح ابكربله

شاف حسين والعباس واحد ضـحك للثاني
جـبرائيل گام ايـصيح الله إلك سـواني

ياهله بالجاي، راح اطـشن ماي
ضعن الحسين ، ياهلا ابملگاك
__________________________

هذا عرش الله إجالك صـلى لعيونك فـرض
حسـين هـاك السـبعه كـلها خاف ماتـكفي الأرض

يغالي ابـغرامك تـطوف أملاك السمه
يهيبة وجـمالك عليـه صلّت فاطمه

ياخيال عوف الگاع وأخذ السمه وحط بيها
جيتـك هاي يـمولاي ربك امـبارك بـيها

جيتك عالراس، انته والعباس
ضعن الحسين ، ياهلا ابملگاك
__________________________

ياهلا ابـهاشم واهلها الراية لاگـاها الهوه
لومشوا بليل يطلع وجـه الأكـبر بي ضوه

ضـعنكُم يـهاشم هوى كلـش ينعـشـگ
مـشيكم حـچيكم رسـايل لله صـدگ

محله الشوگ والقُـرآن فوگ الضعن يقرونه
والآيات علويات والبـيرغ ايـرفعـونه

ياهله بـهالخـيل، وياسـباع الليـل
ضعن الحسين ، ياهلا ابملگاك
__________________________

الله نزل أنبيائه ورافـگوك اويه الضـعن
فاطمه وحيدر اجـوك ونزل وياها الحسـن

اجتك كـواكب تزورك وانته الشمـس
زيارة وجـودك يـهسه وبـاچر وأمـس

نـجم سهيل شاف الخـيل وتبسم ابملگاها
رحلة شـوگ والگيـعان تتـبارك ابملگاها

هلا بالطيـبين، أنـتُـم الغاليــن
ضعن الحسين ، ياهلا ابملگاك
__________________________

عطرك أحـلى أيام عـدنا وجيتك تفتـح گلب
طلعت الاكوان كلها اتـلـگتك فوگ الدرب

تلگـه يـغالي يالـمضوي ابـخيمتك
خلقــلك لأهـلك مجانيـن الخـدمتك

هـذا العـطر مدري منـين بي هيبـه هاشميـة
محلـه الضعن والعـباس والغيـره الحيدريـة

هللا بالقُــرآن، ياعظيـم الشـان
ضعن الحسين ، ياهلا ابملگاك
__________________________

كلمات الشاعر: محـمـود المـوسـوي

تنزيلmp3