هنا

[ღ عِشق ღ]

"عايـشلك اهـواي وشـويه عُمـري"
"وبـكلشـي ويـاك دمـعاتي تجـري"

يحسين يحچاية بخت چن الله حاچيها
ياسالفة أم ابــمطر نـشـبع دفو بيها
يالـگاعك انباعت ترب ربك امغليها
سوتها زينب ياعلي طينة بواچيها

اخذلك الماي لو جوه ضلعي
اسجنلك الروح واعفي اعله دمعي
___________________________

يحسين ياخيمة عشـگ لمت محبينك
شنهي الشمس شنهي المطر مادامنا ابعينك
واجب امصـلايات الك نفرش دواوينك
لوما شبت من كربله بالبچي امشيبينك

شگد جرحك ابعيد واشگد لچمنا
وانشگگ الراس مو بس هدمنا
___________________________

يحسين يالطيّب وعشگ محطوط بمتاعك
يانوح لكن أُمتك رگضوا على شراعك
يالناجي والعافك غرگ والفوز لأتباعك
يالجنة الله لو ردت تنزل على ذراعك

رگضوا على الماي خافوا يعطشون
يـ الـراوي عافـوك باچر يندمون
___________________________

يحسين ياديرة ورد يالطشـروا عـطرك
بـگلب السما يصرخ علي من داسـوا ابصـدرك
خرسه السيوف الـذبحتك ماسكتت نحرك
نندار كل دورة سنة من اعمارنا لعمرك

ياكل الجروح واسمك دواها
الرحمة وياك گطعت هواها
___________________________

يـلسان دين الما رضوا بالباطل وأهله
لو ماتـطيح ابـكربله ماوگفت القبله
مو بس الأعوج لو تريد الميت اتعدله
ياجذر شجرة فاطمه اشما تندفن تعله

يالوحـدك اهـواي مابين السيـوف
شجايـبهم ويـاك عمـيان الچفوف
___________________________

كلمات الشاعر - فاضل حسن

Mp3
download
تنزيل

[تشيللو]

شکرا زهراء..

[الملاذ الاخير]

احسنتِ زهراء .. ماجورين

[نغم الجبوري]

أحسنتي النشر