هنا

[ارجع يازمان]

ليش تحجي اعله المواكب هذا حجيك ما يصير
اتكول الفلوس النذبها مانذبها اعله الفقير؟

اتريد زوار الحُسين
بهل طريق ابلا طعام!
احنه دوم اويه الفقاره
والله شاهد بالكلام,,

لكن ابيوم اربعينه ,,,, الكرم عفناه للضمير
ليش تحجي اعله المواكب هذا حجيك ما يصير

:::::::::::

كافي لا تحجي عليهم لا يعثروك الخَدم
أبد ما نترك فقير ايعيش بدموع الألم
لكن أيام الحُسين اتريد من عدنه الكرم
اتريد شاعر بالطريق ابأيده دمعات القلم
اتريد زاير لابو اليمه يمشي ويشيل العلم
اتريد للعباس زاير يجر من عينه السهم
.
والخَدم هيئوا كلشي حتى ما تلكه اليحير,
ليش تحجي اعله المواكب هذا حجيك ما يصير

:::::::::::::

بدل ما تتبرع انته ابهذا درب الثائرين,,,
شو تجي وتحجي علينه ابخدمة الزار الحُسين؟
بالاسم انته موالي,, احنه وين وانته وين؟
شنهو فرقك عالدواعش لو حجو مستنكرين
ما نعوف احسين والله ونخدم ابكل السنين
احنه خدام اليزوره و اليجونه امدللين
.
احنه خدمتنه تشرف كل جبير وكل زغير
ليش تحجي اعله المواكب هذا حجيك مايصير!

:::::::::::::::::


احنه ما نقطع شوارع كلها فتره وتنتهي
كلمن ايروح المصيره وعنده شغله ويلتهي
عفنه الاعمال واهلنه ابهل ايام ونرتجي
احنه لوما ابو اليمه جا كعدنه وما نجي
لكن الطلعنه نخدم هاي ذكرى ابن الولي
بالحشر عدنه مواقف يبتشر بيها علي
.
وانته شو جن مايهمك حتى مرضات الامير!!
ليش تحجي اعله المواكب هذا حجيك ما يصير

::::::::::::

خدمة الزوار عدنه هايه أقصى الامنيات
ليش تحرمنه أماني وهنه مثل الواجبات!
هالدرب لمن نعوفه انضيع بدروب الشتات,,
احنه خدام الحُسين اتميزينه ابهل صفات
الكرم واهل المحنه وبينه كل الطيبات
انشرف اصحاب المناصب والملوك ابهل حيات
.

وأزغر الخدام عدنه ايعثر ابُخته الجبير,
ليش تحجي اعله المواكب هذا حجيك مايصير!
حسين االساعدي

[حسن هاشم]

الله الله عاشت ايدك للنقل اخي الغالي