ياليل نتخذه جمل يالأحلى من ضي الشموس
لو ماتطيح الخاطرك هالروس ماتتسمه روس
تنشاف لمعة سيفنـا من تشتد الحرب الضروس
ابـعز ربع الحسين انتخوا وهز رايته بنصهم حبيب
گالوله حد گطع النفس مايـوصل خيمّكم غريب
نصبح مثل رمشك إلك عن شوف عيـنك مانغيب
""أذن حبيب وشد العصابة العصابة
جرد السيف وجمع اصحابة اصحابة
وصل الزينب صوت
گلهم اليوم انموت
گلهم اليوم انحلها الطلابة الطلابة""
گال حيهم ها يفرسان الوغى
واعرض الزينب يهز ابيرغه
گالهم ردنا واجانه المبتغه
خل نراوي الحارب حسين وبغه
گال اطبلها الكتايب
جيش شاب وانا شايب
راح اراويها العجايب
سيفي يفرح بالحرايب
گلهم نموت اعله الخيم كلنه كلنه
گبل الهواشم ينسفك دمنه دمنه
وصل الزينب صوت
مانرجع إلا نموت
گلهم ابدمنه انحلها الطلابة الطلابة
أذن حبيب وشد العصابة العصابة
_________________________
گبال زينب ضل يصول ويرتجل
گالها ارگاب ودمه نشيل الحمل
آل هاشم منها مايبرز رجل
إلا واحد واحد انخلص چتل
أنا صنديد المراجل
لاسرج اظهور الأصايل
عني عذراً يابوفاضل
أنا اول دم يقاتل
گلها اطمئني اعله الخيم عمي عمي
ماعوف اخوچ إلا ابسفك دمي دمي
وصل الزينب صوت
يم الخدر مبخوت
گلهم ابدمنه انحلها الطلابة الطلابة
أذن حبيب وشد العصابة العصابة
_________________________
استعرضوا يم الخيم واستأذنوا
برد گلب الحرة ونوب ابتدوا
صوله سوو عالمعسكر ونشدوا
نصحوا الجيش وأحاديث اشحچوا
الماعرف معنى العقيده
ماكو دم يمشي ابوريده
حسين ديني وروحي بيده
والهوى لو غثه اصيده
اليگطعله وردة من الخيم وصمه وصمه
باچر محمد بالحشر خصمه خصمه
وصل الزينب صوت
مايفلح الطاغوت
گلهم ابدمنه انحلها الطلابة الطلابة
أذن حبيب وشد العصابة العصابة
_________________________
گطره گطره اعله الارض طاحوا سوه
بس مواقفهم بقت مثل الهوه
التراب اتشرف ابدمهم روه
ارواحهم صعدت لعد ربهم ضوه
طاحوا اعله الگاع نعمه
زلمه ضل ايوصي زلمه
حسين يمك دمه ذمه
بگلوبهم خلي لچمه
صعدت ارواح حسين يعشگها يعشگها
ضلت جثثهم صار يشبگها يشبگها
وصل الزينب صوت
ارواح من ياقوت
گلهم ابدمنه انحلها الطلابة الطلابة
أذن حبيب وشد العصابة العصابة
_________________________
كلمات : حيــدر العســاوي
Zahraa Alobaidi
dorar"Aliraq
رد مع اقتباس
المشاركة الأصلية كتبت بواسطة حسن هاشم
