ياعباس هاي ساعات الأخيره
ياعباس والأميره تصير أسيره
شلون نايم عالنهر وانه سبيه
وانه يا خويه بحبل شدوها اديه
.................
هايه يا عباس لحظات الوداع
عمري وي لحظة وداعك والله ضاع
ارد اكلك خويه يا شهم الطباع
انته چنت الماي عندي والمتاع
يا أمين اعله الخدر انته المطاع
نسبي زينب هالخبر ياخويه شاع
يا عباس لحظة وداعك گصيره
يا عباس تنسبي تالي الاميره
انسبي ياخويه هاي اعظم رزيه
وانه يا خويه بحبل شدوها اديه
..................
چنه صوت من النحر يتعذر هواي
گلها يا زينب الچ راح ابقه وفاي
ماتشوفچ عيني مسبيه من عداي
وانطفت ياخويه عيني من اجل هاي
انتي رجعي للوطن يالچنتي بحماي
وانه اردلچ من ارد بيميني ماي
ياعباس حيرتك ما منها حيره
ياعباس كلمن يروح لمصيره
انته مگطوع الچفوف اعله الوطيه
وانه يا خويه بحبل شدوها اديه
......................
خويه تدري من رحت حيرني حالي
اني زينب تدري شنهو الي جرال
انته بچفوفك تشد چنت برحال
عالهزل اركب صرت وحدي يغالي
اعتب اعله الريح لو حركت ذيالي
ومن بعد عينك تره شافو خيالي
ياعباس عيني تربي اعله الشريعه
يا عباس وانته چفينك گطيعه
ما الي عون البقه بالغاضريه
وانه يا خويه بحبل شدوها اديه
....................
انته للخوه چنت مولى وامام
من چنت ويايه عينك ما تنام
هسه عينك خويه غمضتها السهام
ما شفت لمن يحرگوها الخيام
چم طفل داس الجمر بالهيمه هام
التفت ليك واگلك بس سلام
ياعباس راحو اخوتها وحماها
ياعباس عذرتك اختك تراها
ما بقه عندي اخو بهاي المسيه
وانه يا خويه بحبل شدوها اديه
..................
راح اعوفك تدري مو بيدي الخيار
والضعن لمن مشه وللكوفه سار
تلتفت سكنه بقت يمنه ويسار
والشمر ياخويه لن حادينه صار
عمي صاحت يالگمر حادينه جار
ننتظر ثارك نضل ليل ونهار
ياعباس يالچنت عزنه وحمانه
ياعباس بطيحتك طاحت سمانه
منعتك عن سكنه ادريها المنيه
وانه يا خويه بحبل شدوها اديه
ابو قاسم الملا
رد مع اقتباس