البوست الشامل لافضل اللابتوبات للبرامج الهندسية لسنة 2021
البوست طويل صحيح بس بهذا البوست راح اختصر عليكم ساعات وساعات من البحث عن افضل اللابتوبات بمختلف الأسعار والفئات ، معايير اختيار اللابتوبات هي اختيار افضل اللابتوبات من ناحية المواصفات الى السعر وجودة تصنيع جيدة ، غالبا هاي اللابتوبات غير متوفرة بالأسواق المحلية او يكون سعرها غالي بالمقارنة مع أسعار شراءها وشحنها من امزون ، لذلك فالافضل تشتريها من امزون من خلال شركة شراء من امزون
----------------
أسئلة متكررة :
• هل هذا اللابتوب يشغل فيري ولوميون ؟
كل اللابتوبات بها البوست اكيد تشغل فيري وكورونا و لوميون بدون مشاكل ، بس السؤال هو شنو نوع المشاريع الي تشتغل عليهن انت ؟؟ اذا مشاريع بيوت او مشاريع صغيرة فاي لابتوب حتى ارخص واحد بالقائمة يشتغل بدون مشاكل ، اما اذا مشاريع جبيرة او بيها تفاصيل عالية ، او اذا شغلك معتمد على اللوميون بصورة أساسية فلازم تشتري لابتوب فئة عليا يعني لابتوب بكارت شاشة عالي حتى يفيدك بالشغل.
• اريد لابتوب بسعر اقل من 1000 دولار :
مراح تلكه لابتوب بمواصفات الجيل الجديد بسعر رخيص ، الأفضل اذا انت على ميزانية محدودة تشتري لابتوب من الجيل القديم يعني عمرة 4 سنين او اقل ، هواية ميعرفون انه افضل مكان ممكن تشتري منه لابتوبات مستعملة هو السوق مال فيس بوك نفسة Facebook Marketplace.
• اريد لابتوب رخيص ويشغل كل البرامج فول:
ماكو هيج لابتوب هم رخيص وهم فول اوبشن ، يعني يا ريت اكو جان كلنا اشترينا منه واختصرنا السالفة ، مهم ان تعتبر اللابتوب هو استثمار لشغلك يعني تشتري اللابتوب حسب طبيعة المشاريع الي تشتغل عليها وطبيعة دخلك الي ديجي من الشغل ، اذا انت طالب فماكو داعي تشتري لابتوب غالي كلش علمود شغل الجامعة ، واذا انت صاحب مكتب فمو منطقي تشتري لابتوب بمواصفات قديمة لان راح يقلل من انتاجيتك.
----------------
هسا نجي نحجي على الفئات:
• اذا ميزانيتك بين 1000$ الى 1200$ فيعتبر لابتوب فئة اقتصادية ، مناسب لشغل الماكس والرندر بالفيري او كورونا ، مع مشاريع بسيطة باللوميون:
افضل لابتوب لها الفئة هو لابتوب Lenovo Legion 5 اصدار 2021
-------------------
• اذا ميزانيتك بين 1300$ الى 1500$ فيعتبر لابتوب فئة متوسطة ، مناسب لشغل الماكس والرندر بالفيري او كورونا ، مع مشاريع متوسطة باللوميون:
افضل لابتوب لها الفئة هو لابتوب HP OMEN 15 اصدار 2021
-------------------
• اذا ميزانيتك بين 1600$ الى 1800$ فيعتبر لابتوب فئة عليا ، مناسب لكل البرامج (فيري كورونا لوميون) ومناسب لشغل المشاريع الجبيرة
افضل لابتوب لها الفئة هو لابتوب HP OMEN 15 اصدار 2021 بكارت 3070
----------------
• اذا انت الميزانية مو مشكلة عندك ، واذا انت تريد اعلى مواصفات موجودة حاليا وتعتبره بديل للدسكتوب ، فافضل لابتوب ممكن تشتري حاليا هو
ASUS_ROG ROG Zephyrus G15
----------------
• اذا انت تريد لابتوب مميز بحجم صغير (شاشة 14) انج ومواصفات عالية مناسبة لكل البرامج فافضل خيار هو
2021 ASUS ROG Zephyrus G14
منقول
رد مع اقتباس
