هنا

[الملاذ الاخير]

الرادود الحسيني الحاج : باسم الكربلائي
كلمات الشاعر الحسيني : ناظم الحاشي
هيئة جواد الائمة ( ع )
موكب شهداء الحشد الشعبي - واسط ( العزيزية ) .
محرم 1443 - 2021



هاي ادية الليلة تلطم ع الكسر ظهري
لو حوافر خيل امية تسحك بصدري
منتظرها ليلة .. ليلة منتظرها

⊱━━━━⊰✾⊱━━━━⊰

الليلة سودة بلون ثوبي بلون دمعاتي
بلون همي بلون حزني بلون راياتي
الليلة من اتركها اترك كل عباداتي
وانتهي ويزعل علية رب سماواتي
الليلة بيها بيها للمأتم تحضر الزهرة
الليلة البيها المهدي حضر للطم صدره
كبل لا تطلع شمس ذبحوا فجرها
منتظرها ليلة .. ليلة منتظرها

⊱━━━━⊰✾⊱━━━━⊰

هاي ادية الليلة تلطم ع الكسر ظهري
لو حوافر خيل امية تسحك بصدري
منتظرها ليلة .. ليلة منتظرها

⊱━━━━⊰✾⊱━━━━⊰

الليك بيها الرحمة تنزل والدمع يصعد
الليلة هاي بالف ليلة كالقدر تنعد
كل اسود يصبح للحزن يشهد
حتى شيب الراس البيها ينگلب اسود
الليلة بيها الماي يخجل من گمر هاشم
الليلة بيها الگمر يطفه يم ضوة القاسم
وانمدح بيها الجزع وانذم صبرها
منتظرها ليلة .. ليلة منتظرها

⊱━━━━⊰✾⊱━━━━⊰

هاي ادية الليلة تلطم ع الكسر ظهري
لو حوافر خيل امية تسحك بصدري
منتظرها ليلة .. ليلة منتظرها

⊱━━━━⊰✾⊱━━━━⊰

هلال من هل لمحرم هلت الامي
مو هلال تگول اشوف حسين جدامي
والبياض البي نزيف المنحر الدامي
وگمر جن فوك الشريعه منذبح ظامي
ما اشوفه هلال اشوفه خيمة مشتعلة
طفل مذبوح ووريده يرفض الذلة
فاس اشوفه ويحفر لزينب گبرها
منتظرها ليلة ليلة منتظرها

⊱━━━━⊰✾⊱━━━━⊰

هاي ادية الليلة تلطم ع الكسر ظهري
لو حوافر خيل امية تسحك بصدري
منتظرها ليلة .. ليلة منتظرها

⊱━━━━⊰✾⊱━━━━⊰

بدت من هاليلة زينب تجري دمعتها
وخلصت العشرة العجاف تودع اخوتها
شافت النارين زينب يا مصيبتها
نار باب امها الزجيبة ونار خيمتها
عين يم حسين تحري وعين ع الكافل
تفكر اشلون الحياة بدون ابو فاضل
لون مشت الگاع يمسح جان اثرها
منتظرها ليلة .. ليلة منتظرها

⊱━━━━⊰✾⊱━━━━⊰

هاي ادية الليلة تلطم ع الكسر ظهري
لو حوافر خيل امية تسحك بصدري
منتظرها ليلة .. ليلة منتظرها

⊱━━━━⊰✾⊱━━━━⊰

عيش يالخادم مصيبة شدة المنظر
حسين من خنكته العبرة يم علي الاكبر
شلون صدر حسين زينب سمعته تكسر
شلون من شافت رقية تموت ع المنحر
يگول من خبر عباس اجاها شنهي حالتها
ليش شدت بالسبي النسوة لعبايتها
ليش هاي الليلة ما يخمد جمرها
منتظرها ليلة .. ليلة منتظرها

⊱━━━━⊰✾⊱━━━━⊰

هاي ادية الليلة تلطم ع الكسر ظهري
لو حوافر خيل امية تسحك بصدري
منتظرها ليلة .. ليلة منتظرها

⊱━━━━⊰✾⊱━━━━⊰

من بعد هالليلة عابس عقله يتبدل
يصبح بعالم جنونه العاقل الاول
يلي رايد تهوة مثله شلون لا تسال
احضر بهاي المجالس مثله تتحول
لا تصدك من يگلك ع اللطم بدعه
هذا الحبل المتين يريدك يتگطعه
بل محبة الرب عبادة يعتبرها
منتظرها ليلة .. ليلة منتظرها

⊱━━━━⊰✾⊱━━━━⊰

هاي ادية الليلة تلطم ع الكسر ظهري
لو حوافر خيل امية تسحك بصدري
منتظرها ليلة .. ليلة منتظرها

⊱━━━━⊰✾⊱━━━━⊰

تربح الخدام بيها نعمة الخدمة
حضر الرادود صوته والشعر قلمه
والصدور اعلة اللطم بحزام متحزمة
وراس للتطبير جاي يحضر بدمه
والمواكب والضيافة رد عزم بيها
لاربعين حسين كلها محضرة رجليها
من ابو السجاد كلها تريد اجرها
منتظرها ليلة .. ليلة منتظرها

⊱━━━━⊰✾⊱━━━━⊰

هاي ادية الليلة تلطم ع الكسر ظهري
لو حوافر خيل امية تسحك بصدري
منتظرها ليلة .. ليلة منتظرها

⊱━━━━⊰✾⊱━━━━⊰

ياحسين الليلة صرخة من ضمايرنا
بيها تصرخ للشعاير كل منابرنا
والله لو فصلوا جسدنا عن مناحرنا
لا تظن يحسين نترك طف شعايرنا
لا وحق دم الكفيل وشرف جفينه
من نساهن ع التراب وما نسة سكينة
كل دماء الوالتك بيدك امرها
منتظرها ليلة .. ليلة منتظرها

⊱━━━━⊰✾⊱━━━━⊰

هاي ادية الليلة تلطم ع الكسر ظهري
لو حوافر خيل امية تسحك بصدري
منتظرها ليلة .. ليلة منتظرها

⊱━━━━⊰✾⊱━━━━⊰

[❥ اوليڤَيــــــا✿┊❥]

عشت حمادة
عالنقل.
مأجور ان شالله

[ৡ⚘أೂـيـر ألـنـ੭ــل⚘ৡ]

عظم الله اجركم
ماجورين