زنجيل من الدارمي ...صور عن الام....
ـــــــــــــــــــــــــ ـــــــــــــــــــــــــ ــــــــــــ
ياما تعبت اعليك اسهر واباريك ..وك متني صاح الغوث مـــــــــــاتنصف اشبيك
أشبيك انته يبني اشبيك ماعندك انصاف...يالعشت وسط احشاي مــــن الله متخاف
خاف الله صعبه اعليك من تعثر اشلون ...شلتك وصاحن غوث من عندي المتون
متوني تعبت حيل مو شلتك اهواي...تالي العمــــــــــر جليت ماتنصف اويــــــاي
اوياي انته ماوفيت يالشلتك سنين...يامــــــــــــا ليالي اعليك ماغمضت الـــــــعين
العين وابد هيهات ماضاكت النوم ...سهرانه طول الليل يوم انته مالــــــــــــــــوم
مالوم احسن بيك من تمرض امرار... ليه الالـــــــــــــــــــــ م ياريت يوليدي يندار
يندار اريدن كون بيك من الالام... ليه واشوفك كــــــــــــــــــــون بس تغفه وتنام
اتنام واديرن دوم اعيوني لغطاك ...من البرد خوفي اعليك لـــــــــن روحي وياك
وياك اني عشت اسنين يالساكن الروح ..لمن غزاني الشيب اتجافـــــــــي وتروح
تروح واظل شلون وحيده بالبيت...اتمنه ملـــــــــــــــــــــج الموت ياخذني ياريت
ياريته ملج الوت ياخذني وارتاح...من افز وانته ابعيد ماظلت افـــــــــــــــــــراح
افراح ابد مابيك ياوكتي لالــــــه...خــــــــــــ ــــــان الرضعته اسنين ومتني شاله
شاله المتن واسنين من عنده مامل...مــــــــــــــــــ ــــاوفه وياي بيوم لاعني يسأل
يسأل من الجيران عدله امي لساه...مايدري بيه الصار هــــــــــــــــــم باجر اوياه
م.
رد مع اقتباس
المشاركة الأصلية كتبت بواسطة M̲u̲S̲h̲T̲a̲Q̲ツ
