غايب والعذر عندك
الناس تحيرت بعدك
من دونك غُرب عشنه
يا مهدي البُعد ذبنه
غايب والعذر عندك
...............
خلص صبر المحب يا مهدي بغيابك
تعيش بغربه ضلت سيدي احبابك
كتبنالك كتب نتأمل جوابك
يتامه ونگعد بكل ليله يم بابك
ما راد المحب عمره
كل لحظه التمر حسره
وغيابك صبح ذلنه
يا مهدي البعد ذبنه
.................
نعيش بغيبتك بس النفس يصعد
جرح بُعدك غميج وما بعد ينشد
يمن عندك صعب سائل سأل ينرد
نسألك شوفتك والچف الك ممتد
وبجودك عجز وصفي
فارغ ما يرد چفي
وانته عد حسن ضنه
يا مهدي البعد ذبنه
...............
يهيبة حيدر ورحمت نبي الرحمه
الك يگصد صبح كلمن كثر همه
وهم البينه ننظر وجهك ورسمه
ويكفينه يمهدي چفك انشمه
من چفك اشم عطره
عظمي ينجبر كسره
يالچفك عطر جنه
يا مهدي البعد ذبنه
...............
يمهدينه الگلب ذاب وخلص صبره
نعيش بفرگتك هذا العمر جمره
اذا مو يمك العاشگ خلص عمره
يمر بيه الوكت حسره بأثر حسره
حسرات الگلب صعبه
للعايش عمر غربه
بس الشوفتك ردنه
يا مهدي البعد ذبنه
.................
يبو صالح يمن كل عين الك تربي
تدگ كل لحظه بسمك نبضتي بگلبي
واذا مو انته ترعاني وحگ ربي
اضيعن والجهنم أگصد بدربي
ما ضيع وأمل عندي
لو كل الخلق ضدي
من نوگع سند عدنه
يا مهدي البُعد ذبنه
غايب والعذر عندك

الشاعر ابو قاسم الملا