الظعن بحبابي ما ادري بعد وين
يون كلبي وكله اكثر بعد وين
اهلي الغربو عني بعد وين
اشوفنهم وتطفه النار بيه
الظعن بحبابي ما ادري بعد وين
يون كلبي وكله اكثر بعد وين
اهلي الغربو عني بعد وين
اشوفنهم وتطفه النار بيه
مشو عني هلي وعيني وراهم
بعد ما ظن اشوفنهم وراهم
من سار الظعن خلف وراهم
ترس كلبي وشعل نيران بيه
هلي غرب ضعنهم ودعوني
وماكالوا عليله وفاركوني
نهار وما تشوف الضوه عيوني
اشلون الليل لو خيم عليه
يخويه كوم لينه ارجوك والحك
ناس الماتعرف البخت والحك
اجونه امسابك اعلي الخيم والحك
ولونه وفرهدوا عزنه ال اميه
الوكت ويه العدي وسفه علي دار
وانا بت فاطمه وعودي علي دار
حرك چف الحقد كلبي علي دار
حركها مثل دار امي الزچيه
يبوفاظل اخلافك لوعه بينه
الشمر ما عنده رحمه لوعه بينه
شطفي اخيامي خويه لوعبينه
حرت وثنينهن شبن عليه
رد مع اقتباس