هنا

[ღ عِشق ღ]

موتي وحياتي ودنيتي مرهونه بأعتابك
ضيعني من كل البشر دليني بس بابك
خليني دوم ابخدمتك
بعيوني شايل صورتك
يحسين يحسين ،
1
شايلني خلگك سيدي أي والله هنيالي
ابالك صرت وانته اسكنت يابوعلي ابالي
ناطيني قيمه ابـهالعمر من غيرت حالي
حالي الك شمعه ابسهر تضوي بهوى العالي

عمري صاير شمعتي
روحي اتذوب ابدمعتي
لجلك ناري وحسرتي

لمن عرفتك سيدي آنه عرفت الاحساس
اقرب صديق اقرب وفي انته الأهـل والناس

من فدوة اروح الهيبتك
بعيوني شايل صوتك
يحسين يحسين ،،

ظلمة العمر العمر لو ماچنت انته ضوه ايامي
حققلي حلم ازيارتك وآنه انسه احلامي
يمك مثل ضحكة طفل من تنمحي آلامي
امشي الك گلبي الك يسبگهن اجدامي

انظر صورة مرقدك
چنك واگف وحدك
بحزنك الله ايساعدك
يحسين يحسين ،،

احضن جمر حزنك إذا يحسين اشوف الماي
معنى القليل ابحضرتك يعني كرم دنياي
وانه العشت من نعمتك
بعيوني شايل صورتك
يحسين يحسين ،،

2
شرط العشگ بين البشر مو مذهب وأديان
الحب إذا من كل گلب يصنع صدگ إنسان
ياسيدي وطفك صنع ارواح مو أبدان
ارواح حرة وللعرش تنطي النحر قربان

دمك راسم للبشر
لوحة تضحية نحر
حرية وذاته الأثر
يحسين يحسين،،

جاك السهم رايد حضن وانته افتحت باعك
كل ثورة لو رادت نصر تتبع أثر گاعك

يالوگقت من طيحت
بعيوني شايل صورتك
يحسين يحسين،،

اخـيال واضيع ابظلمتي لوما ضوه عيونك
اعطش الك واشرب عشگ ويه اليعطشونك
لمصيبة الحرة اصبحت هذا آنه مجنونك
يالعودتني إعله الدمع ما أسلك ابدونك

انساك يعني اصبح حجر
أهواك حد گطع النحر
وياك متهمني البشر
يحسين يحسين ،،

خليني دوم اسـتشعرك مثل الألم للروح
تمثالك ابنص الگلب واگف لچن مذبوح
وآنه الي دينك اقرايتك
بعيوني شايل صورتك
يحسين يحسين ،،

كلمات الشاعر : " فاضل مقدم "



Z

[sawsanmahmoud]

تسلمين وعاشت ايدج حبيبتي زهراء

[عليـﮯ آلبصـرآويـﮯ]

بارك الله بكِ

[ღ عِشق ღ]

تسلمين وعاشت ايدج حبيبتي زهراء

حيـاچ الله سـت سـوسن عُمـري

بارك الله بكِ

يا مرحباً انرت


..

[علي الواسطي]

شكرا زهراء عالمجهود ربي يوفقج

[حسن هاشم]

شكرا للمجهود زهراء