قصيدة : عينٌ بكت
الرادود الحسيني : حسين فيصل
كلمات الشاعر الحسيني : حاتم صبري الكاظمي
محرم الحرام 1443 هـ - 2021 م
رواية البجي بالاخبار
بشراكمُ ياعاشقين
لا ما تمسها باجر النار
عين بكت على الحسين
⊱━━━━⊰✾⊱━━━━⊰دمع العشاق .. غالية هل تعلمون
شنهو قيمتها .. فسألوا اهل الجنون
على الغير الدمعة محد الها يهتم
بس على حسين الله جاعل سرها مبهم
اغلى دمعة الشايلة ريحة محرم
شگد زغيرة لكن تطفي جهنم
وشكد زغيرة وتمحي الذنوب .. قد طهرت كل العيون
حسين فوك الدمعة مكتوب .. انا اليه راجعون
⊱━━━━⊰✾⊱━━━━⊰رواية البجي بالاخبار
بشراكمُ ياعاشقين
لا ما تمسها باجر النار
عين بكت على الحسين
⊱━━━━⊰✾⊱━━━━⊰ماكو من مؤمن .. استعبر وزاد البكاء
الله يكتبله .. عبدي خذ مما تشاء
عن رسول الله وي فاطم كلامه
كل عين باكية يوم القيامة
الا عين اللي بجة دم لامامة
تفوت وية حسين للجنة بسلامة
يوم الحشر طه يلاگيه .. مستبشر العيون جاء
يا صاحب الدمعة يحاجيه .. اشم فيها كربلاء
⊱━━━━⊰✾⊱━━━━⊰رواية البجي بالاخبار
بشراكمُ ياعاشقين
لا ما تمسها باجر النار
عين بكت على الحسين
⊱━━━━⊰✾⊱━━━━⊰كل جزع مكروه .. ينروي يا مؤمنين
والجزع محلاه .. من يكون اعلى الحسين
ليش نبجي الرضا كال وحزنه فسر
مثل ذبح الكبش ذبحوا ابو الاكبر
بدمعة لو جانت ذنوبك جبل واكبر
الله يغفر ماتقدم ، ما تاخر
ان سرك بهالدنيا ترتاح .. زر جدنا يبن شبيب
تديها بالطف حتى لرماح .. صلت على الشيب الخضيب
⊱━━━━⊰✾⊱━━━━⊰رواية البجي بالاخبار
بشراكمُ ياعاشقين
لا ما تمسها باجر النار
عين بكت على الحسين
⊱━━━━⊰✾⊱━━━━⊰اترك الدنيا .. واتبع اسياد العقول
ع البجي ودمعك .. انما الصادق يقول
من بكى او من تباكى عدنه اجره
فله فالجنة يبني الله قصره
النزل راسه للحسين يعلي قدره
والف هنيالة التجي الزهرة وتشكره
العباس بيده يشربه الماي .. اشرب هنيئاً كلمه
يگلها عليه فضلج هواي .. شكراً جزيلاً فاطمة
⊱━━━━⊰✾⊱━━━━⊰رواية البجي بالاخبار
بشراكمُ ياعاشقين
لا ما تمسها باجر النار
عين بكت على الحسين
⊱━━━━⊰✾⊱━━━━⊰اللطمة بالمجلس .. بيها ع الظامي نذوب
لكن الدمعة .. عدنا من تقوى القلوب
شلون مانبجي عليه العين تعمة
ماكو بقعة بكربلة مابيها دمه
مو فقط ثوبه وصل ؟ للخيم عظمه
الخيل ساحكته الحرافر من يلمه
ينهض ولكن يرجع يطيح .. يرى النساء في الخبا
اللحظة الاخيرة ودمعته تصيح ..وازينباً وا زينبا
⊱━━━━⊰✾⊱━━━━⊰رواية البجي بالاخبار
بشراكمُ ياعاشقين
لا ما تمسها باجر النار
عين بكت على الحسين
⊱━━━━⊰✾⊱━━━━⊰حسين مأوانه .. والبجي ليه الامان
محلة دمعتنا .. وية صاحب الزمان
على جده المهدي دم دمعاته بالعين
على البكائين صاح اهل الدمع وين
سدد بدمع لابو الاكبر شكو دين
الييه خير بدنيته يبجي على حسين
كلبي دعاءه يا الهي .. بكل جرح قدسه
بجاه الحسين وانتة جاهي .. ادم علينا مجلسه
⊱━━━━⊰✾⊱━━━━⊰رواية البجي بالاخبار
بشراكمُ ياعاشقين
لا ما تمسها باجر النار
عين بكت على الحسين
⊱━━━━⊰✾⊱━━━━⊰
رد مع اقتباس
