اداء الرادود الحسيني : عمار الكناني
كلمات الشاعر الحسيني : حسين طالب السماوي
محرم الحرام 1443 هـ - 2021 م
انتاج قناتي العقيلة وام البنين ( ع )
حتى لو ماراضي عني
وما قبل هالخدمة مني
اني ماعندي ترى بس هالكلام
ياحسين اني احبك والسلام
⊱━━━━⊰✾⊱━━━━⊰نفترض هو طردني وما قبل مني الخدامة
والله لالزم بابه واكعد واحرك اسنيني بغرامة
هو يطرد واني ارجع واحجي وي اهل الملامة
غير محبوبي وطردني والعشك مابي كرامة
الحمامة شكد وفية
قابل احسن مني هية
تنطرد وترد لراعيها بهيام
⊱━━━━⊰✾⊱━━━━⊰ياحسين انا احبك والسلام
⊱━━━━⊰✾⊱━━━━⊰ما اريدن بية يقبل خاف يصبح دمعي بادر
خادم اللي يدللونة تقل حركته ويبقى كاعد
كون احبه وهو يبعد هيج اريدن الله شاهد
احلى بالعشك كله من تحب من طرف واحد
ما اريدن منه نظرة
انة اريدن منه جمرة
احركني خلي النار بضلوعي تنام
⊱━━━━⊰✾⊱━━━━⊰ياحسين انا احبك والسلام
⊱━━━━⊰✾⊱━━━━⊰وعزتك ربي وجلالك گال ابو حمزة الثمالي
لو تحطني بنار احبك وبجهنم ما ابالي
اني وية ابن الزجية دوم اريدن هيجي حالي
لو يحطني بنار اصيحن ماكو غير حسين غالي
ياجهن يا لهيبي
انامشغول لحبيبي
عن حبيبه الينشغل اكبر حرام
⊱━━━━⊰✾⊱━━━━⊰ياحسين انا احبك والسلام
⊱━━━━⊰✾⊱━━━━⊰لو منعني من المجالس وخلة بالحسرات سهمي
وكلها ما مقبولة عنده وانمسح من دفتره اسمه
يعني كل ظنكم اعوفه لو يقل شوية همي
مو شرط احظر مجالس نسوي مجلس انة وامي
امي تنعة واني ابجي
نخلي بس الدمعة تحجي
حتى لو ماعندك بدمعي اهتمام
⊱━━━━⊰✾⊱━━━━⊰ياحسين انة احبك والسلام
⊱━━━━⊰✾⊱━━━━⊰ياهو انة وحتى اكلك سيدي عينك علية
جرئة من عندي وتجاوز من احاجي ابن الزجية
هو ابو فاضل اشكبره وما يگلة التفت لية
اني اخدمه وما اگولن يدري لو مايدري بية
عندي حاجة وهية عندك
حسين لا ترضى اعلى عبدك
حتى ما يهده ولا ليلة ينام
⊱━━━━⊰✾⊱━━━━⊰يا حسين انا احبك والسلام
⊱━━━━⊰✾⊱━━━━⊰
رد مع اقتباس
