⊱━━━━⊰✾⊱━━━━⊰
اداء والحان الرادود الحسيني ( حسين فيصل )
كلمات الشاعر الحسيني ( احمد الطويل )
من اصدار ( الحمد لله )
الهندسة الصوتية والتوزيع ( استوديو سيفن - حسين فيصل )
محرم الحرام 1443 هـ - 2021 م
⊱━━━━⊰✾⊱━━━━⊰
يايمة وينج صحت .. ياريت هنانة
من دون اخوتي اصبحت .. يايمة مو انة
ع التل وكفت ونحت .. بدموعي غرگانة
حسينج ييمة المحت .. ع الغبرة جثمانة
ليل .. هذا لو نهار بعيني اشوفه
خيل .. خيالتها ماليها الحقد ما اظن تعوفه
وين .. عباس سمعت گطعوا جفوفه
بين .. اشباه الزلم نار وسلب خوفتنة خوفة
حرمة ووحيدة هنا .. وكل اهلي مو يمي
وتوجهت لله .. احجي وية روح امي
⊱━━━━⊰✾⊱━━━━⊰
اتمنى امي هنانة ريت واكعدها
البنية بالشدات غير امها ماعدها
⊱━━━━⊰✾⊱━━━━⊰
يايمة دمع الجفن .. ضل يحفر بخدي
محتارة المن احن .. وانة اصبحت وحدي
ياجدي صحت بحزن .. الحگلي يا جدي
لا والي ضل لا ابن .. لا اخو ضل عندي
ريت .. حيدر والدي للطف اجاني
جيت .. اصرخ لو اجة بوية الوكت ذبني ورماني
ليث .. انتة يا علي وزينب تراني
غيث .. انزل ع الخدر نار اشتعل خدري وجواني
يا حاضر الشدات .. زينبكم بشدة
بوية الشمس رديت .. رد الخدر رده
⊱━━━━⊰✾⊱━━━━⊰
اتمنى امي هنانة ريت واكعدها
البنية بالشدات غير امها ماعدها
⊱━━━━⊰✾⊱━━━━⊰
منين ابدي اشرح واعد .. حاجيني يالبضعة
من العليل اليهد .. حيل الجبل وضعه
مايدري المن يصد .. لو منهو اليسمعه
يعاين جيوش الحقد .. فزعت فرد فزعه
شاف .. بين النار مذبولة الحراير
خاف .. لو وحدة تكع لو تنمرد بين الحوافر
اه .. شينسة يمه من هاي المناظر
لا .. مايبره ابد يم الحسن جرح المشاعر
ام الخدر وسهيل .. مايوصل لنجمي
ام الحزن ياحيف .. تاليها صار اسمي
⊱━━━━⊰✾⊱━━━━⊰
اتمنى امي هنانة ريت واكعدها
البنية بالشدات غير امها ماعدها
⊱━━━━⊰✾⊱━━━━⊰
صحت بحزن ياعلي .. حسين انذبح ظامي
عالشاطي ظل كافلي .. من يحرس خيامي
بلا عزوتي ولا هلي .. يامصعب ايامي
غير الله محد الي .. ويخفف الامي
سيف .. فركتهم ذبح روحي الشهيدة
طيف .. والدنا ردت وارض النجف ما اظن بعيدة
ماي .. حسبالي الگمر يسگينا بيدة
هاي .. زينب بت علي شامت صرخ ظلت وحيدة
لام البنين الصوت .. طلعته من جبدي
ثار الگمر وحسين .. ياخذهن المهدي
⊱━━━━⊰✾⊱━━━━⊰
اتمنى امي هنانة ريت واكعدها
البنية بالشدات غير امها ماعدها
⊱━━━━⊰✾⊱━━━━⊰
رد مع اقتباس
