هنا

[ღ عِشق ღ]

ويلي ويلي بويه ويلي
عاين الضيـم العليله
ويلي ويلي بويه ويلي
بگلبي يزداد اعله حيله

بعد ماتاني خبرهم
بيّن الشيب ابجفاهم
الله ياخذّني بعدهم
والله لا ينّطي الخذّاهم

صنّطة اگبور ابضعنهم
وشوغة ادموع ابـراهم
گالوا الدنيا تنّسي
وانا گلبي مانساهم

بس يگلبي نوحك المن والتحبهم مايجونك
انته تشتاگ الحچيهم همه ماظنْ يذكرونك
................................

دنيه غربه واهلي راحوا
وادم امّكيفه ابحزنه
والجمعهم بيت ابونا
فرحوا ابطشة شملنه
عاهدونا بالرسايل
باچر ايذبحون اهلنه
باچر اسيوف النحبهم
اتگطع اچفوف المحنه

الشبعت اعيونه بضوانه
بكربلا ايظلم علينه
الما عرف يندل طريقه
ابكيـفه باچر يمشـّي بينه
..........................

والتفت نار ابخيمهم
لا اخوتي ولا خواتي
اشما اريد اتدنه يمهم
يحترگ گلبي وعباتي

شنتظر يادنيا منچ
والرمح شايل غلاتي
هنا عليل اهنا عليله
دمعي اسود من حياتي

بويه فدوه وياك أخذني
وارحم ابگلبي ونحيبي
احترگ واطفه ابصوركم
عالرمح راسك حبيبي
..............................

كلمات الشـاعر :ـ فاضـل حسـن

تحمـيلMp3


Zahraa
Alobaidi
1443 هــ ، 2021

[نغم الجبوري]

شكرا جزيلا على النشر بوركتم

[حسن هاشم]

شكرا لمجهودج زهراء بوركتي