عادة وعدنه فوگ البيت لازم نرفع الرايه
يحسين ومحرم جاي والخدمه والمشايه
"واحسيناً واحسيناً واحسينا"
عادة عدنه ياحسين
بيتنه ايخضر ونين
من يجينا العاشر
وببخدمتك يا إمام
موكب الحب والغرام
ينصبلك باچر
عادة نعلگ الرايات ثارك هذا كل عام
اسود تلبس اعله حسين بلمجلس الخدام
عشاگ المجالس هاي
ماگطعوا اللطمية
يحسين العمر محلاه
من يگضي ابحسينية
"واحسيناً واحسيناً واحسينا"
بينه حُب نحضر عزاء
والعشگ من كربلاء
هلخدم مجنونه
انته يا اجمل امير
ملك بلخدمه اليصير
الخادم ايسمونه
كلما نحضر قرايات بينه يخضر الشوگ
عشاگ ونحب حسين وهوه احلى معشوگ
يامحله الزيارة وياك نحرك لازم انزوره
باچر گلبي عالشباك كون يخلص اتذوره
"واحسيناً واحسيناً واحسينا"
عدنه بالخدمه امنيات
ياعشگ هاي الحياة
نخدم اتخلينه
ياحلاتك يالحبيب
انته مذيوح وطبيب
ترابك ايداوينه
ياماي وصرت عطشان
عاري وتطي الفاي
زمزم ينتظر كل عام
منك يشرب الماي
ياهو العنده مثل حسين
خادم يفتخر بسمه
واليخدم لابو السجاد
هذا الينحسب زلمه
"ولو مالت بينه حسين انلوذ ابفيك"
"واحسيناً واحسيناً واحسينا"
يافرض كلما نزور
غير نلطم عالصدور
يمك احلى زياره
يالضفاتك معجزات
الله خلالك صفات
وانته كل اسراره
إسمك ع الگمر مكتوب تنطي الگمره الاحساس
يامحلى ضواك حسين چنه اعيون عباس
نحرك قبلة العشاگ ونصلي على عيونك
چم عابس الك مجنون واللطامه يردونك
"واحسيناً واحسيناً واحسينا"
ياصراط العاشقين
بسمله اسمك ياحسين
وانته فوگ البسمله
ياهواك البي جمال
انته آيات الجلال
تقره بسمك كربله
حطنه ابمجلسك للموت لو تابوت بلباب
نخدم حتى لو ميتين بحسينيتك اتراب
ماعفنه اللطم عادات
والفطرة لگيناها
بينه من الزغر يحسين
هاي الخدمه محلاها
"ولو مالت بينه حسين انلوذ ابفيك "
"واحسيناً واحسيناً واحسينا"
الشاعر: محمود الموسوي
تحميــلmp3
,
رد مع اقتباس
المشاركة الأصلية كتبت بواسطة sawsanmahmoud
