باقولها كلمة على الماشي ... ماباش يادنيا النكف ماباش
لا المرتشي منا ولا الراشي ... ذي باع أرضه واستلمها كاش
كلبشت يدِّي وجاء لكلباشي ... وامستْ يده في حقـِّه الكلباش
مقدَر يواجهني برشاشِ ... جانا بسافل لقبوه رشاش
عشنا وشفنا الورع واللاَّشي ... ع اسيادهم يطّاولوا الأوباش
الفسق والترفيه بك فاشي ... عايش وطايش طاش ياما طاش
في سلفكم ما سلفنا ماشي ... هذا اليماني الطّاهش البطّاش
وبنت اليمن لا يوم تتلاشَي ... من أجل عزِّش لو تطير أمشاش
دوسي بخشم النذل والواشي ... ربعش وحوش تنهش لحوم أعداش
ماشي مثيلش فـِ الشرف ماشي ... حاشاش ما عزِّش وما أغلاش
عيشي بعزّه وكبرياء عاشي ... لا عاش من يغلط عليش لا عاش
رد مع اقتباس
