القصيدة : السيد الجميل
الرادود الحسيني : محمد الجنامي
كلمات الشاعر الحسيني : وسام الشويلي
محرم 1443 هَـ - 2021م
حسين .. آه
حسين .. آه
بجروحي اجيك .. شايلني رمح
عودني عليك .. يا احلى جرح
يا اغلى حبيب .. وبكلشي غريب
لو عني تغيب .. مايبقى صبح
يالماوصل عشگك عشگ
لا والله مستحيل .. كل الحجي قليل
حسين انتة باختصار .. السيد الجميل
انتة السهل وانتة الصعب .. ياجامع الحب والحرب .. بيدك ورد والدم يصب
ومخجل السيوف
يا ضامي منك ارتوي .. اضعف وانة بحبك قوي .. خليني بحبك انجوي
من جمرة الطفوف
حسين .. آه
حسين ..آه
تارسني خضار .. وبصحرة جنت
تنطيني نهار .. لو ظلمة عشت
تتركني محال .. وتگلي تعال
تسقيني زلال .. يالظامي متت
تصنع وطن من غربتك
ومفهم السهام .. ان الحقد ظلام
عالغبرة من تطيح .. يترجم القيام
هذا الوجود باكملة .. ترسم مسارة بكربلة .. عن دينة ومستقبلة
بصدرك تصد رماح
يمضحي من اجل الشعب .. دمك رسالة حب كتب .. بالامك وذاك التعب
رايدنة نستراح
حسين .. آه
حسين .. آه
بعيوني ذبيح .. ماشوفه نحر
وجداني صريح .. لا هذا بحر
متلمة جروف .. غرگانة سيوف
وبجسمك اشوف .. كل طبرة نهر
عندك يمگطوع النحر
وية ربك اتصال .. ماتحجبة النبال
صورة عشگ عجيب .. ترسم على الرمال
بحافر فرس من تنسحك .. وية الكسر نسمع عشگ .. رغم السهم گلبك يدك
ويسولف الغرام
عندك لقاء بمصرعك .. وي ربك وكانت معك .. سمعته حب وسمعك
يا قائد السلام
حسين .. آه
حسين .. آه
رد مع اقتباس
