القصيدة : ياجون الخيام
الرادود الحسيني : عمار الكناني
كلمات الشاعر الحسيني : حسين طالب
محرم الحرام 1443هـ - 2021م
يا جون الخيام .. علمني الهيام
اخذ ايدي بعشگك خليني اطوف
يا ابيض ولا .. خذني لكربلا
كل اسود ياجون تبيضه الطفوف
⊱━━━━⊰✾⊱━━━━⊰اخذ يا جون يميني
عبد وانتة اشتريني
يم لون الخيم ارد انحني بلا لون
خليني احس معنى الادب ياجون
اخذني لكربلة ساعة
اريدن افهم الطاعة
اخذها لعالم الحب خلي روحي تهيم
اريد هناك ارتل اية التسليم
جنت واضح يجون هواي .. ماشايل ابد وجهين
لذلك حصلت تكريم .. على خدودي خدود حسين
علمني من اموت .. شلون اصبح قنوت
لمحبوبي عيوني تبقى وما تدور
فهمني الغرام .. شلون بلا كلام
مو دوم الكلمة تعبر عن شعور
⊱━━━━⊰✾⊱━━━━⊰خدم غيرك اكو لحسين
ليش انتة الصرت بالعين
هذا اسمك برز وتلاشت الاسماء
لان اسود شكل بس غيرتك بيضاء
قريتك واكتشفت اثبات
غرام الخالي من طعنات
ما يتسمة حب لا لا وحقك جون
بمعركة العشگ لازم گلب مطعون
العشگك عندك شبيه الحج .. يشبه فكرته ونهجة
الما صافي گلب ويطوف ما تحسب اله حجة
الصار من العبيد .. للكوثر اكيد
من الكوثر ياخذ اطباعه ويفيض
اليتبع نهار .. تاليته سمار
وتاليت ارسومك شو شفناها بيض
⊱━━━━⊰✾⊱━━━━⊰طحت وحسين اجالك
البجاه الكون بجالك
هسة استوعبت درس الخدامة زين
العايش عدم هو اليشوفه حسين
عشگت بلا مقابل
وتركت النا رسايل
بوحدة من الرسايل هاية جن مكتوب
شما تنطي الحبيبك انتة هم مطلوب
جن دمك حكم سلطان .. من سلطة عشگ نافذ
يگول اليخدماهل البيت .. لازم ينطي ما ياخذ
السلام السلام .. على ذاك الغرام
على گلبك ذاك اللي للحب صار اسير
انتة من العبيد .. وجم ملك اليريد
يتشرف عندك بس خادم يصير
⊱━━━━⊰✾⊱━━━━⊰
رد مع اقتباس
