ملحمه
.............
كبل الاف السنين.....
بلنواويس وكربله...انكتبت قضيه...
بقلم رب العرش...
محروسه وابيه..
والمكان....
الغاضريه...
الزمان ...تحدد بعاشور..
من تحكم اميه...
وارث اهل العزم ...
قائد..
مامر بكل نبي ...
مثله..
بكلش ضحه...وهو يدري
فده لجل الدين...
نحره..
وهو يدري..
اشكد قرابين الهداهه..
دمه ثوره..
وصار عنوان..انتصار..
بلسمه هذا القرار..
كربله تصبح مزار..
كعبه..وتحج ..ليهه ..كل الناس..
من اقصى الديار..
وارث ..ابراهيم .من حركو خيمهم..
النار بردا وسلام..
لان رب السمه حاميهم اكيد..
ومن ورث نوح...بدليل..
السفينه الناجيه..
بعرش الله مكتوبه تنور..
نعم..مصباح..الهدايه..المسح ..كل ذاك الظلام..
ومن ورث موسى كليم الله ..
راسه اعل الرمح ويناجي ربه..
يرتل ايات الكتاب..
ومن ورث عيسى ..
نزل جبريل ...
هز مهده..بأمر رب العباد..
وما نزل جبريل ..مره..يهز مهد.الانبياء..
امه حوريه..روه درهه ..رحيق..
ومريم العذراء من رطبات..درهه الصار..وتروه المسيح...
ومن ورث جده محمد..
كل كلام يكوله طه...
شي اكيد ...من الوحي..كل هذا الكلام..
حسين مني ...يعني سبطي..
اني من احسين.......
ايه..
تحمل اسرار ..الرساله..
اذن ثار ..الله..مكتوب الحسم..يوم الطفوف..
واصبحت ...بلطف ..معاجز..مطمئنه ..النفس ..تصعد ..للاله...
ودم رضيعه المانزل للكاع قطعا..
هاي اول معجزه بارض الطفوف...
العلم والقانون ...ظل محتار بيهه..شلون صارت...
مادرو ...رب ..السمه..ينصر ...نبيه..
كلهه..مرسومه ..الصور ..بلغاضريه..
وتنكطع..اطهر ..جفوف ..تمثل ...الايثار ..بيهه..
وتنسبي ...اشرف ...عقيله
اتصير ..ثوره..وتنتصر..
اشرف قضيه..
وتنفضح ...اشرار..اميه..
لان ...برض ..الشام..مكتوبه ..منيه
وتصعد ...الرب ..السه..
روحج رقيه
...........................
بقلم الدغاري.. وعظم الله اجوركم
رد مع اقتباس
المشاركة الأصلية كتبت بواسطة حسن هاشم
