كبل لا تهل يهلال انا لمصابه راعي
شايل جرح الحسين مايحتاج ناعي
يستاهل بجينه .. اليسمع كل حجينه
انا لمصابه راعي ..
*************************
انا عايش ويه جرحه ابدون موعد
ولي راح حسين منه عيب يكعد
كلبي من تبرد جمرته حسين يبعد
لو راعي عزا ومجروح لو لا توكف اتعلم
هوه حسين يتغير إذا ماينصب مأتم !
" خلي المأتم ايطول مصيبتنه جبيره .. طايح عدنه الحسين ونشال ابحصيره "
غيره ما لكينه .. يستاهل بجينه
انا لمصابه راعي ..
*************************
احنا ابونا حسين تدري شعدنا غيره
كلها تمشي وهوه يبقى راعي ديره
اليبجي لحسين بحركته عنده غيرة
اهنا يل تلطم اعلى حسين
ارفع جفك ابحيله
طاح حسين من تسمع ما واحد يتجيله
" كون اعليك يحسين كل الدنيا عاشر .. لإن صدرك يمولاي داس اعليه حافر "
العينه علينه .. يستاهل بجينه
انا لمصابه راعي ..
*************************
الي ما مجروح انصحه لا يجينه
احنا يوم حسين ماخذ كل حجينه
احنا راحتنه ابلطمنه ولو بجينه
احنه الفاكدين حسين لحد يسأل شبينه
ونة زينب الحوراء ع الهزل تأذينه
" الما مجروح ياناس ماعنده قضية .. يدري بيوم الحسين تبجيله الزجية "
اعليه اشما قرينه .. يستاهل بجينه
انا لمصابه راعي ..
*************************
هل عله غيري ابمصابه انا خيمه
عندي يوم ابدون ذكره جن جريمه
عالتراب حسين نايم ياهضيمه
ع الباكو قميصه شلون اتكلي من اللطم كافي!
واهي زينب ابنص الكوم تركضله اطلعت حافي
" تركض مادرت وين اشحال الراح اخوها .. الوحيده اهنا يخدام مسبيه خذوها"
اليجرحنا بونينه .. يسمع كل حجينه
انا لمصابه راعي ..
*************************
الميت وباكو قميصه بيوم عاشر
وينب إخته واليتامى ابلا مناصر
اليبجي لأجله لا تسأله شنهي صاير
اتصور حرم واطفال والعباس مو يمها
البيده حز وريد حسين درب الشام يرحمها
"الابوها ثبت الدين تميل الهزله بيهن .. كلما شافن الروس يتعالى بجيهن'
حسين الروحه بينه .. يشتاهل بجينه
انا لمصابه راعي ..
*************************
الكلمات للشاعر : محمد البطحاوي
|| تحميل القصيدة mp3 ||
Z
..
رد مع اقتباس
