هنا

[د. حسن سعيد]

السلام عليكم : اليوم أريد مناقشة علاقة الابن والبنت بالأم والأب بشكل مختلف، أريد النظر لها من الزاوية المقابلة.
دائماً نسمع في البيت .. المدرسة .. خطب الخطباء .. البرامج التلفزيونية والإذاعية .. نقرأ في الكتب والمجلات ... الخ عن حقوق الوالدَين على أولادهم، لكن لماذا لا نقرأ ولا نسمع عن العكس ؟ لِمَ لا يهتم أحد -إلا القليل- بالنظر الى حقوق الأولاد على والدَيهم؟
ما سبب النظر للعلاقة الأُسرية بعَين واحدة ؟ ما هي حقوق الأولاد على والديهم؟
نسمع قصص كثيرة عن عقوق الأولاد للوالدين ، لكن لا نسمع -أو ربما سمعنا قليل جداً- عن ظلم الوالدين لأولادهم؛ ما السبب في ذلك ؟ هل إنَّ حالات ظلم الوالدين لأولادهم قليلة جداً أم أنَّ المجتمع ينظر إلى القضية بعَين عوراء -مع احترامنا للقارئ- ؟ ما دور علماء التربية والاجتماع والنفس ورجال الدين وخطباء المنابر؟
أنتظر مشاركاتكم وأتمنى الموضوعية بالنقاش وتجنب التشنج والردود العنيفة كي لا يصبح الحوار جدل بيزنطي ، تحياتي

[Suzana]

شكرا حسن ..
متابعة حاليا

[د. حسن سعيد]

شكرا حسن ..
متابعة حاليا

أهلاً ست وبانتظار الآخرين

[د. حسن سعيد]

43 مشاهد للموضوع، معقولة ولا واحد منهم يعرف يناقش لو السالفة بيهة تغليس لأن الموضوع مو ملاطم، يلا شكراً لإحداهن انطتني تقييم من تشارك أعرفكم منو هي وشكرا قبلهاا للست سوزانا كتبت رد هنا

[أبن ألأشتر]

استاذ حسن
تدري ليش ماتشوف ردود
............
لان القصة كلنا يعرفها ولما يريد يرد الواحد يحتار كيف يرضيك بشيء لم تسمعه من قبل او انت غافل عنه .
طبيعي الوالدين هم المركز اوالمحور والاولاد من حولهم .
بمعنى .
بيها مجال الوالد يظلم ابنه بعشر اشياء وتراجعه بلحظة ينسى كل ماعمله .
اما الولد لو تأفف بوجه ابيه صعب التراجع وصعب الغفران له .
اذا العقوق يكون حصة الاولاد والظلم حصة الوالدين .؟
شوف منين مااجاوبك
احس بالجواب مثل البايخ بارد هافت يعني كابي بيست مابيه اكشن ولا متلوث من الاعلام مثل المواقف السياسية .
هيج اعتقد من ناحية عدم الرد
والله اعلم

[دكتورة اسنان]

اي طبيعي اكو ظلم من الوالدين للابناء وهواي هذا الشي واعرف ناس ادمرت حياتهم من ورة ابائهم وامهاتهم وعاشوا بذلة بدل عيشة الراحة ويه اهلهم . هاي اذا كانت اذيتهم عظيمه وتركوا اطفالهم اما اذا بعدهم يمهم فيظلموهم تحت مسمى (احنه اعرف بمصلحتك) اخوية ماكو بهلوكت واحد ما يعرف مصلحته وين حتى الطفل صار عالم من ورة الضيم الي يشوفه

وطبعا هذا لبعض الناس وليس للكل وليس للاهل الي مصادقين ابنائهم هذولة صدك الجنه تحت اقدامهم

شكرا للموضوع حسن

[د. حسن سعيد]

استاذ حسن
تدري ليش ماتشوف ردود
............
لان القصة كلنا يعرفها ولما يريد يرد الواحد يحتار كيف يرضيك بشيء لم تسمعه من قبل او انت غافل عنه .
طبيعي الوالدين هم المركز اوالمحور والاولاد من حولهم .
بمعنى .
بيها مجال الوالد يظلم ابنه بعشر اشياء وتراجعه بلحظة ينسى كل ماعمله .
اما الولد لو تأفف بوجه ابيه صعب التراجع وصعب الغفران له .
اذا العقوق يكون حصة الاولاد والظلم حصة الوالدين .؟
شوف منين مااجاوبك
احس بالجواب مثل البايخ بارد هافت يعني كابي بيست مابيه اكشن ولا متلوث من الاعلام مثل المواقف السياسية .
هيج اعتقد من ناحية عدم الرد
والله اعلم

والله يا خوية مو سالفة ترضيني لو ما ترضيني، السالفة نريد نعرف ليش المجتمع متغافل عن ظلم الوالد لإبنه ؟ ليش ينطي الحق دائماً للأب وما ينطي للإبن ؟ معقولة الابن والبنت دائماً غلط والاب لو الام معصومين!

[د. حسن سعيد]

اي طبيعي اكو ظلم من الوالدين للابناء وهواي هذا الشي واعرف ناس ادمرت حياتهم من ورة ابائهم وامهاتهم وعاشوا بذلة بدل عيشة الراحة ويه اهلهم . هاي اذا كانت اذيتهم عظيمه وتركوا اطفالهم اما اذا بعدهم يمهم فيظلموهم تحت مسمى (احنه اعرف بمصلحتك) اخوية ماكو بهلوكت واحد ما يعرف مصلحته وين حتى الطفل صار عالم من ورة الضيم الي يشوفه

وطبعا هذا لبعض الناس وليس للكل وليس للاهل الي مصادقين ابنائهم هذولة صدك الجنه تحت اقدامهم

شكرا للموضوع حسن

اهلاً صديقتنا، هنا المصيبة : بحجة (أنا أعرف بمصلحتك) يجبره على فعل أشياء ميريدها الابن مثلاً يجبر ابنه على دخول اختصاص دراسي معين لو يشتغل شغلة وهكذا ، لو ينصحه نصيحة غلط بغلط ويضيع مستقبله أو يدخله بمصيبة ميطلعه منه الا الواحد القهّار ، كل هذا من تحجيه للناس يجاوبوك الجواب الحاضر (مع ذلك تبقى انت الباطل وأبوك أو أمك الحق) ويتحججون بآيات وأحاديث فاهميهن غلط

[دكتورة اسنان]

اهلاً صديقتنا، هنا المصيبة : بحجة (أنا أعرف بمصلحتك) يجبره على فعل أشياء ميريدها الابن مثلاً يجبر ابنه على دخول اختصاص دراسي معين لو يشتغل شغلة وهكذا ، لو ينصحه نصيحة غلط بغلط ويضيع مستقبله أو يدخله بمصيبة ميطلعه منه الا الواحد القهّار ، كل هذا من تحجيه للناس يجاوبوك الجواب الحاضر (مع ذلك تبقى انت الباطل وأبوك أو أمك الحق) ويتحججون بآيات وأحاديث فاهميهن غلط

لا وانوب يقنعوك بأنه يبقون اكبر منك واكثر خبرة منك
اكو ناس تربي اطفالها على معتقدات وتقاليد مال زمن مات وخلص عن قول الامام علي عليه السلام لا تربوا أولادكم مثل ما ربيتم فانهم خلقوا لزمان غير زمانكم

[Laraa]

استاذ حسن موضوعك جميل
سبب تغافل المجتمع عن اخطاء الاباء لان نحن مجتمع مبرمج الاية تقول " ولا تقل لهما اف" و البعض يعتمد مقولة الابن و مايملك لابيه وبالتالي اصبحت الهالة دائمًا حول الاهل بحيث اذا كان هنالك اهل ظالمين و حب الابن مجرد يعبر عن مشاعره الغاضبة حتى يخفف عن نفسه يلاقي جواب مباشر مهما يكن هم اهلك ( حتى ممسموح له ان يعبر )
نحن مجتمع منهتم بالانسان بحالته النفسية و رغباته فنحكم مباشرةً ان الاباء صح والابناء خطأ ، الابن طائش ، الابن غير مسؤول ، غير مدرك دون ان يتم التمييز بين الابن اللي فعلًا هو هالشكل او عكس طبعًا هالشي يخلي الاهل يتمادون و ميشعرون بأخطائهم
ببساطة دور الاهل تربية الابناء على الاسس الاخلاقية اعطاء رأيهم بامور مصيرية دون اجبار الابناء على اعتماد الرأي و انتهى الابن مو ملكية خاصة و لا الاباء معصومين لكن نظرة المجتمع و الانتماء العائلي غير الصحي ( ان صحت التسمية ) و الابن مهما كبر يبقى صغير بعين الاهل هي اللي تظهر الاهل بمظهر المعصومين و اللي يعرفون المصلحة و الابن مجرد تابع لجيل طائش ميعرف شيريد

يحتاج المجتمع فقط ان يعطي قيمة للانسان ان يدرك اهميته حتى يتمكن من الاعتراف باخطاء الابوين و انهم وان كانوا السبب بانجاب انسان للحياة فهم ميملكون هذا الانسان يبقى هذا الانسان حر و دورهم يأدوا لان هو مجرد دور وما الهم اي فضل لان محد طلب منهم ينجبون انسان ، اني ماعندي اي فضل على ابنائي واجبي اعلمهم واربيهم واكبرهم و ادعمهم دون ان انتظر اي مقابل