******** ماي العافية *******
اِجن كلهن على بالي .
اجن بسكوت وشتاكَيت ...
للخطوه الحرير ....
الجانت تجيبك حمامة بيت ،
للصوت العبير ورصعة الضحكه ،
للفرحه الجبيره وطعم خيط الخوف ،
للدمعه التسيل ،
تخاف نتفارك ،
للما ينّسي شتاكَيت .
اِجن كلهن سوه وحنّيت .
يكوثر ، يا عذب ، شفتك ....
تكَلّي بالحلم تانيتك وما جيت .
يماي العافيه ، ياريت ...
نرد لآول محطة شوك .
يل صافن نبي بمحراب ،
كون آلكَه لصفنتك باب ،
جا جبت الفرح كله .
جا جبت الغنه وشموع روحي وجيت ،
أصير لكوثرك جرفين ...
وآمشي آوياك لآخر ورده بالدنيا ،
وآكَلك يا نبع روحي ،
اِجن كلهن سوه وحنّيت .
عبد الكريم القصاب
رد مع اقتباس
المشاركة الأصلية كتبت بواسطة احمد الگرعاوي
