كهرباء بنكهة الإمام الرضاالمشاركة الأصلية كتبت بواسطة ПộR
مقترح : بما انه ايران قد ماتوافق نستورد كهرباء من السعودية ، والسعودية مغتاضة لأن نستورد الكهرباء من ايران اني عندي فكرة تصير الكهرباء ساعتين من ايران وساعتين من السعودية ونخلص من المولدات بحيث من تدخل البيت تسالهم سعودي لو ايراني بدل ماتكول مولد لو وطني
واذا تجي من ايران نصيح محمد صلوات
واذا تجي من السعودية نصيح تكبير
وكهرباء بنكهة البيت الحرام
شخص صيني ماكفاه باور بانك 10 الاف ميلي امبير ولا 20 الف ميلي امبير فقرر يصنع بنك طاقة عملاق جداً بسعة 27 مليون ميلي امبير
الطول 6 اقدام والعرض 4 اقدام
ملئ بطارية 5000 جهاز سعة بطاريته 3000mAh
قادر على توفير الطاقة للتلفزيونات والغسالات واجهزة اخره
يحتوي على 60 منفذ شحن
شباب منو بيكم محتاج هيج باور بانك؟
عفيه
واحد يكول
مره جبنه عمال حته يرممون البيت
شهر ماخلصو. شهرين هم ماخلصو
صارو من اهل البيت
يكتلون الجهال يرزلون الچناين يسبحون يطبخون
اخر شي اجت خطابه على اختنه
كنالهم احنه موافقين بس خلي نشوف العمال يوااافقون لو لا
اليوم الصبح رحت اتبرع دم لأحد الاصدقاء عنده مريض وأنه واگف بالمستشفى شفت ولد زغير يباوع بالوجوه ويدوّر .. گتله شبيك عمووووو ..؟گال .. أشو أبوي طوّل بصالة العمليات ؟
وِجِعني گلبي عليه وگتله..إن شاء الله تعالى ما يطول ..
ليش انت وحدك ؟
گلي ..أبوي بالعمليات وآني گاعد انتظره عنده عملية قلب بصراحة تحركت المشاعر الإنسانية بداخلي واحتاريت شسوي على مود انسي الطفل همّه .. فرِحت جبتلّه عصير ولفة گص وحلويات وچبس ليز وشغلات من هاي الغالية ... !!!
بعد نص ساعة آجه دكتور لابس قميص العمليات ولزم هذا الولد من أيده وگله .. مو گتلك تبقى بالمكتب وماتطلع ؟!!!
أنه اهناه اتدخلت ..
گلت للدكتور .. طمني دكتور فدوه ؟
شلون صارت حالة أبو الولد ؟
گلي ..شتقصد ؟
گتله ..الولد گلي أبوي عنده عملية قلب واكيد انت الدكتور اللي أجريت العملية ؟
الطبيب ظل يضحك وگلي .. هو ما كذب عليك آني فعلاً ابوه وآني مدير المستشفى و فعلاً كان عندي عملية قلب لأحد المرضى والحمدلله تكللت بالنجاح ..
أنه صابني إغماء وانعل ابو الإنسانية إللي ما خليت شي ما اشتريته للولد آخر شي يطلع أبوه مدير المستشفى ..!!!
حتى شكراً ما گلي أخذ ابنه وراح وأنه عيني على لفة الگص والعصير بس هم زين اخذت الچبس منه ..
لو متأخر أبوه بعد ساعة چان اشتريتله بايسكل.
