حته انام
اطيني عين تنام
لو رادت تنام
وحته انام
اطيني
خبزه وعافيه وضحكه وسلام
انريد نفطر
كافي بسك ياعراق
انريد نفطر
كافي تعبنه الصيام
اليوم ما نحتاج للفقره رئيس
اليوم محتاجين للفقره امام
الجوع كافر
اية الكرسي عليكم
اصحوا يا ال الكراسي
سنين عشر سنين فدعه
او هيه هيه
متانيه اخبار السياسة
متانيه اخبار السياسي
فدعه .. فدعه
ايه ..
وما ادراك مااخبار فدعه
فدعه ام ايتام
بس كلهن بنات
ارمله كل هالسنين
تنام والحيطان خرسه
ابين قوسين الحواسم
هيه .. هيه
بيوت بس كلش خطيه
كل شي عالحيطان تقره
معلكه اية كريمه
( قل اعوذ ..... )
منين ؟؟
مدري منين اعوذ
لان مشكوكه البقيه
كل شي تقره
المهم حيطان فقره
البينهه وبين المكابر يعني شعره
العوز كافر ماله دين
سنين عشر سنين فدعه
ارمله كل هالسنين
وكل شي ماتملك عدا جيس الطحين
اي
والله عيب
الجيس مكتوب على واجهته معونات
ورسم صورة صليب
العوز غربه
العوز ذيب
وحتى تاخذ بتهه باجر للطبيب
باعت من العوز
كليتهه لطبيب
والسياسي براسه ريشه
اشكد فرق بين الفقير
وبين فد واحد سياسي الماطفه ببيته الضوه
كل هالسنين
بكد فرق بين العمارة
وغرفة بس مبنيه طين
شكد قرق بين السياسي الماطفه ببيته الضوه
كل هالسنين
وبين فد واحد فقير
بلا مهفه ولا طحين
المهم
اي ماعلينه
اتزوجت واحد رصيف
بس حرامات
الرصيف بطبعه عاجر
بس شريف
انه كتلك
هيه .. هيه
مدري تبجي مدري تضحك
شهكت من العوز فدعه
ويلي ربي
في سبيل الله ماي
اميه ارو
r.o ) )
اتبلل شفافي الكطع بيهه الفرات
في سبيل الله امبير لبناتي
النامن بحظن السموم مدثرات
في سبيل الله
شارع بيه رصيف
الصيف كافر
والشته مسودن نشيط
بيا حظن منهن نبات
التمت عليهه البنات
او فرفحت كل البنات من البجي
صعبه والله ياربع
دمع الشريفه
فدعه حلوه
بس سموم الصيف سواهه وصيفه
فدعه من كد الفقر والعوز
سموهه الصريفه
وماعلينه ....
صاح واحد
لابس اسود
شايل براسه ضمير
اي يفدعه
اشغير اطباع السنين
كبل جان الصيف
للفقره عبايه
احنه عدنه الخير
افواج وسرايه
انعيش كوه
بصاية الله
وصاية اوراق البطاقه
شلون صايه.. ؟؟!!
صاية اوراق البطاقه شلون صايه ؟؟!
ومن يجينه الموت
نطيه عله مايه
انه من كد الفقر والعوز
سموني حشه السامع
حشه السامع
رصيف
والله يمكن
لو رسول الله جان بهالزمان
يجوز تنزل للبشر
قصتنه ايه
واخر اخبار ال ... نهايه
اسمعوا
يا ال فقره
فدعه ماتت
هوه طبع العوز يتعنه الشريف
وفدعه ماتت
شتموهه
ومابجه عليهه صدك
بس الرصيف
محسن الدخيلي
رد مع اقتباس
المشاركة الأصلية كتبت بواسطة Suzana
