هنا

[ارجع يازمان]

مات
ابو الشعر البنات
بعد مارايح ايغني ,, وين أوَلي اوين أبات!
الشمس طكت ابراسه,,
وسَلَم الها الذكريات...
رايح اينام ابقبر,,,, مابي,,, بناته االجايعات,,
خَلص من ضيم الحكومه والنفاق ابهل حياة
مات مات
ورايح ايخبر علي
ابكل الطُغات !
ايكله دجاله ابوطنه بس تشوف المعجزات!
شافوا اهلال النصومه
وهو فوك الكائنات,,
وما يشوفون اليتامه والبطون الخاويات!
,,
يشتكي رايح علينه!!
اشلون ادينه امجتفات,,
ما نثور اعله المأسي!!! الحطمت بالامنيات!
ماتهمنا ادموع دجله,, الكابلن دمع الفرات!
الوطن لزموه عصابه, اتفرهد ابكل الجهات!!!
والعراقي الجان باقي ,, هسه يتمنى الشَتات!!
وااااااااالفقير ابلا أماني ... ينتظر يوم الممات
والشريف احتار باأمره , خايف ايغير الصفات!
واالشعب ضل بس يحشم.. بالدموع الفايرات,,
حوسموا كل الاراضي !.وين أولي اوين ابات!!
وين أولي اوين ابات!
حسين االساعدي

[علياء البدري]

شكرا

[حسن هاشم]

الله.... الله. مبدع ومؤلم

[ارجع يازمان]

شكرا

حضوركم اجمل