احاجي ابصورتك,, حسين الساعدي
احاجي ابصورتك واتجاوب اتمنيت
واعاتب بالدمع بس انته مارديت!
اعيونك علي تنظر مابجت وياي
خلتني ابجي وحدي وبالدمع ضليت!
اعرفنك وفي ومتأكد انه ابهاي
متجاوب دمعتي؟ ابهايه ما ضنيت!
ياكلشي ابحياتي وسلوتي ابدنياي
لتخليني بس عايش عله الياريت,,
حاير انه بعدك ماصفيت الراي
أموتن لو أضل؟ لو انته ما مريت
بيت الفاركك شايل اهموم اهواي
تعال ورجع الضحكه الهذاك البيت
االساعدي
رد مع اقتباس
