هاي قصة حقيقية
چان اكو رجل من الاخوة اليزيدبين ساكن بمدينة سنجار، هذا اشتهر بالعلاج الطبيعي وصارت سمعته بكل مكان. چان اكو عائلة مسلمة من الموصل ابوهم التهبت عيونه و صار اعمى،لمّا سمعوا الناس تمدح بذاك المعالج قرروا يروحوله بلكد يكدر يسوي شي، ولده الأربعة وزوجته اخذوه وراحوا لسنجار يدورون عالمعالج، وصلت الاخبار لهذا المعالج وچان ما يريد يعالج اي شخص مسلم، فلمّا وصلوا لبيته، سلموا عليه وطلبوا منه أن يعالج الوالد
گال بگلبه راح اطلّع حيفي بيه.
طلع بره البيت وجاب حفنة تراب وبده يحشّي عيون الرجل بالتراب وذاك يصيح ويعيط من الوجع، بعدين شد عيونه بوصله قماش وگال : بقوا عينه مسدودة يومين وبعدين خلي يغسل بالماي البارد ويحط على عيونه چاي دافي تلث مرات باليوم لمدة أسبوع.
شكروه ورادوا ينطوه فلوس ما قبل ياخذ.
رجعوا للموصل... وبعد اسبوعين رجعوا لسنجار وجايبين هدايا لليزيدي وذبحوا خروف... الاب نفسه شكره على علاجه الممتاز و رجّعله نظر عيونه.
اليزيدي گال : آني ردتلك الشر والله حوّله إلى خير.... ف ارجوك تسامحني.
رد مع اقتباس
