اجتنه ونصبت كل الجراوي!- حسين الساعدي
هيه النصبت هاي الجراوي!!
حسين الساعدي
,,,,,,,
انه المنتفض ضد حكم صدام
وراسي امن الصفك ليهسه خاوي
صبرنه اعله الحصار
وناكل انخال
والبلخارج ابعافيته ضاوي,
جوعانيين
من نلتحق بالجيش
علينه النهضه تشهد والعلاوي
نتحصر
ومانشتري اللفات
خافن لا نعَوز بالكراوي!
صبرنه
اشكد صبرنه
اهوايه مأسات,,
وكل لغوه التجي اتجر اللغاوي,,
ويه حسين
بالفتوه احنه ماشين
وسيد محمد ايكول الفتاوي,
المشانق تِعبَت
وصاحبنه الاعدام
صرنه انعرفه باأحكام الدعاوي
نسمع باليعارض
عايش ابعيد
لا ينطي عنوانه ولا يراوي,
كاضيها لطم
ويجدي مناك
ابحجة تبرع بالتساوي,
واحنه اهواي
غشمه
وصدكيناه
اذا كض الحكم ,, ماكو رشاوي
الجانوا بالدول
مثل البزازين
اجو باعو نفط صاروا عتاوي!
بعد ذاك الصبر
واشكال الهموم
اجتنه احزاب متهمها الشكاوي,,
اجونه اذيول
مابيهم ولا راس
تكول امخرجين امن الكهاوي
واحدهم أسد
كدام الايتام
ويم الاحتلال ايصير واوي!
خلونه انتمنى
ذيج الأيام
ولو جان البعث هم بي بلاوي,,
بس ماكو مثلهم
ذوله الذيول,
لا بالأرض لا كوكب سماوي,,
أسوء ماكو منهم
بالتواريخ
معيشين الشعب بس بالنعاوي
واحدهم ميشبع
جنه تمساح
كِرف كل الخزينه الجان عاوي!
دعينه اشكثر
بس لزكوا ميرحون
وتعبنه وأيسينه إمن الدعاوي!
صوج امريكا
هاي ام الطراكيع
هيه النصبت هاي الجراوي,
هيه الحَكمت ذوله الجراوي,,,
حسين االساعدي
رد مع اقتباس
المشاركة الأصلية كتبت بواسطة ضياء وليد
