يا هيه عدها اخوان مثلچ يا بنت عدنان
لو طبو الميدان تتخورس النـــاس
بالدنيا همه اثنين منهم يزينب وين
هنيالچ اعله حسين والهيبه عباس
__________________
گاع الطف ثگيله ورايده اسباع
وحسينچ مشرد الخيل والگاع
اخوچ الهيبه حلاته ابشيبه
شمس الله من عباس تنگل ضوه أعلى الناس
من غبشة الله احساس تترس دربنه
عشگ الگمر چتال واحنه اعلى گد الحال
هو اسمه من ينگال يوگف گلبنه
__________________
الله انطاه كرامه وعلم الناس
كلشي يصير بينه بكيف عباس
نحج ونطوفه دخيل اچفوفه
يبن الگبل معروفة اربع جهات يشوفه
يالما ترد اچفوف يمرخص الماي
اهل السما منالشوگ لو مرهم المعشوگ
چف ايده تگضي اعلوگ عشاگك اهواي
__________________
لو عباس نفرض عاشگ اثنين
هم يطلع يحب حسين وحسين
الف هنيالي يتارس بالي
راعي الكرم والطيب ياهيه مثله اجيب
كلشي ابحظرته ايطيب بدر الهواشم
عالفطرة حبيناه طاريه لو جبنا
__________________
لازم نصيح الله ونگله خادم
تسبيحة الزهره بكل فرض ياس
كون اتخلص بعباس عباس
فرض يستاهل دخيل الكافل
سبحانه المسويك يلحيدر محليك
خله الحواجب بيك تشبه فقاره
كل شده بيك اتهون واجب نشوفك كون
بعيون اليصلون مو بس بالزيارة
__________________
كلشي من انخلق بي حكمه ودراك
بس انت الله من سواك سواك
يكلشي لخاطرك يمحد عابرك
يا دره يا مهيوب من كل كتر تنهاب
انت الشلعت الباب ودخيل الچفوف
يمركض الفرسان يمخوف الشجعان
يا هيبة الميدان يمخوف الخوف
_____________
خلي انصيح كلنه بصوت يا ناس
تباً للسيوف وعاش عباس
يشيخ الساده حلات ااعناده
__________________
تحمـيل MP3
رد مع اقتباس
المشاركة الأصلية كتبت بواسطة sawsanmahmoud
