السلام عليكم أحبتي درر العراق
بما انه موسم الكرز أكيد مراح تفوتنا الفرصة
بأستغلاله في جميع الحلويات والعصائر وكذلك التجفيف
وكلما كانت المنتجات صنع بيتك كانت ألذ وأطيب
آني وبصراحة صفنت ع الكرز الي كدامي
وأجه ابالي المربى فأخذتلي حفنة منه
ومعنى الحفنة هي ملء الكف او الكفين من الشيء
كما موضح في الصورة
ونبدأ
ننزع الاعواد والبذور بهذه الطريقة
اني مكملت نزع البذور فقط الاعواد لان أحبها تبقى بأكملها ومتنمرد بالطهي
ومن ثم تضيف سكر
طبعا بالنسبة للسكر اني رح اسويه خفيف لان السكر الي رح اضيفه قليل بسبب اني ما أحب الحلو زايد
المهم اذا سويت كيلو كرز أضف نصف كيلو سكر
بعدها تبقيه بأناء مايقل خمس ساعات أو رأساً على نار هادئة جداً
بعدها وضعته على نار هادئة
وهنانه النار معجبتني عالية حسيتها
خليت جواه ( احنا نسميها سيباية ) وطبعاً تسميتها خطأ لازم بيها ارجل ثلاثة يلا نطلق عليها سيباية .. المهم تفي بالغرض
ومن ثم تركته ع النار حتى ذاب السكر وبدأ يثقل بعد ان امتزج السكر بماء الكرز
بعدها نضيف مقدار ملعقتين عصير الليمون
حتى ميشكر المربى بعدين
بعدها نتركه على النار حتى يثقل وتستطيع تجربة ثقله بأخذ ملعقة منه وتتركها تبرد
وهنانة رفعته من النار حتى يبرد واحفظه
وعلى ميبرد آكل فد ماعون لبلبي تو مستوي وحار
وكانت هذه النتيجة
كان طعم ولا الذ
رد مع اقتباس
المشاركة الأصلية كتبت بواسطة حسن هاشم
